影片
更多
2023-02-24
118 浏览
作为一个不折不扣嘅食肉兽尤其是对牛肉真系抗拒唔到！于是约埋一班老友去大杯大啖肉爽返一晚。今次去嘅餐厅叫做Smokehouse Grill，就喺旺角朗豪坊嘅13楼对我嚟讲地点都算系好方便。餐厅特别用咗嚟自德国嘅BASTRA烟熏烤箱，相信有佢啲肉肉应梗更加有风味。餐厅入面仲有个熟成肉柜入面摆咗好多唔同部位嘅牛肉喺道熟成紧，睇嚟今晚一定要来个大开食戒先得喇。再行入啲见到餐厅原来系用开放式嘅厨房，一眼睇晒清清楚楚厨师整嘢食时嘅情况。贴窗嘅卡位感觉好鬼浪漫真系几正㗎！如果净系同老婆大人嚟食饭坐呢个位就一流，不过今晚同一大班朋友梗系坐餐厅出面嘅大枱先至够气氛啦。一坐低餐厅嘅侍应即刻送嚟Welcome Drink，呢杯好似Margarita嘅欢迎酒味道都几唔错。不过食牛肉嘅夜晚我觉得队啤先最啱Key，所以我就叫咗呢一杯Smokehouse Ale饮咁先够爽皮㗎嘛。老婆大人仲戒紧酒饮冇酒精嘅鸡尾酒就最啱佢喇，呢杯叫做Cool Min仲可以叫少甜啱晒佢叹啦。朋友就拣咗呢杯用嚟打卡一流嘅鸡尾酒，同佢嘅颜色好衬个名叫做Red Apple，呢杯用咗威士忌做底嘅果味鸡尾酒上枱时侍应会喺你面前用烟枪喺杯上面打入有
今次去嘅餐厅叫做Smokehouse Grill，就喺旺角朗豪坊嘅13楼对我嚟讲地点都算系好方便。
餐厅特别用咗嚟自德国嘅BASTRA烟熏烤箱，相信有佢啲肉肉应梗更加有风味。
餐厅入面仲有个熟成肉柜入面摆咗好多唔同部位嘅牛肉喺道熟成紧，睇嚟今晚一定要来个大开食戒先得喇。
再行入啲见到餐厅原来系用开放式嘅厨房，一眼睇晒清清楚楚厨师整嘢食时嘅情况。
贴窗嘅卡位感觉好鬼浪漫真系几正㗎！如果净系同老婆大人嚟食饭坐呢个位就一流，不过今晚同一大班朋友梗系坐餐厅出面嘅大枱先至够气氛啦。
一坐低餐厅嘅侍应即刻送嚟Welcome Drink，呢杯好似Margarita嘅欢迎酒味道都几唔错。
不过食牛肉嘅夜晚我觉得队啤先最啱Key，所以我就叫咗呢一杯Smokehouse Ale饮咁先够爽皮㗎嘛。
老婆大人仲戒紧酒饮冇酒精嘅鸡尾酒就最啱佢喇，呢杯叫做Cool Min仲可以叫少甜啱晒佢叹啦。
朋友就拣咗呢杯用嚟打卡一流嘅鸡尾酒，同佢嘅颜色好衬个名叫做Red Apple，呢杯用咗威士忌做底嘅果味鸡尾酒上枱时侍应会喺你面前用烟枪喺杯上面打入有热情果味嘅烟熏波波，笃穿𠮶下真系好鬼疗愈㗎啱晒有压力嘅朋友饮。
仲有呢一杯Pink Margarita同样系有烟熏效果嘅打卡嘢饮，呢杯就系用咗Tequila加鲜青柠汁同埋Rosé Mix成嘅鸡尾酒，打开玻璃盖即时烟雾迷漫用嚟沟女一流呀哈哈。
先来两个沙律叹吓呢个烤红菜头沙律入面有老婆大人最钟意嘅金菜头，仲有芝士无花果咁配埋个酸酸甜甜嘅香橙醋汁，就算平时唔算好钟意食红菜头嘅我都觉得味道唔错。
跟住呢一个烟熏吞拿鱼腩炭烤凯撒沙律就比较特别，佢用咗成块罗马生菜然后上面摆满烟熏吞拿鱼腩、洋葱酱、车厘茄、鹌鹑蛋仲有大量嘅巴马臣芝士，生菜食落爽夹脆口感我劲钟意加埋有烟熏香味嘅吞拿鱼腩肉同埋其他配料真系好香口。
不过点都唔够跟住呢两个限时菜式咁正斗，点解有限时菜式咪因为餐厅开幕特登由美国请咗有牛之魔术师嘅名厨Jay McCarthy嚟香港两个星期，所以我哋先叹到由佢带嚟嘅德州烟熏风味菜。
先食咗呢个波本威士忌腌生牛胸腹薄片甜椒阿根廷青酱，薄切嘅生牛肉有咬口肉味超级香浓，加埋啲甜椒同埋阿根廷青酱真系劲好味道。
跟住呢一个系自制手工干牛肉片山核桃蓝芝士酱，牛肉干咬口十足越赵越有味，怕佢太干身嘅话点啲蓝芝士酱一齐食真系停唔到口。
跟住呢个系邪恶嘅烤牛骨髓红酒烩和牛，香浓嘅牛骨髓上淋咗啲咗葱洋酱同埋无花果，匹一羹上去薄脆嘅多士上面一齐食劲惹味。
虽然我系牛魔王咁都要顾吓老婆大人嘅！佢钟意食海鲜所以就叫咗呢个炭烤鲈鱼过佢叹，条鱼做得够香脆鱼肉亦都算滑，侧边有个松露牛油汁钟意浓味啲嘅可以点埋嚟食，伴菜仲有啲柠檬蜜糖红菜头同埋香草薯仔，都系好食嘅嘢嚟㗎唔好错过呀。
哈哈转个头都系返去牛肉嘅怀抱！呢条慢煮24小时烟熏慢煮牛肋骨用咗榉木烟熏慢煮咗24个钟，配咗三种唔同风味嘅自家制酱汁加埋啲薯仔西芹蓉真系好鬼丰富啰。
肥瘦都有嘅牛肋骨慢煮过后再烟熏，食落有啲烟熏味仲唔会韧啱晒我呢啲冇乜牙力嘅人。
虽然食肉系好开心不过有埋淀粉质会更加满足，唔钟意食意粉嘅我就叫咗呢个大虾香料烩饭，啲饭食落去地酸酸地辣辣地咁几开胃㖞，仲有啲大虾都好爽口鲜甜味道唔错呀。
最后梗系要食甜品嘅呢个系胡桃朱古力曲奇蛋白饼海盐焦糖雪糕，劲大块热辣辣嘅曲奇上面有一球冻冰嘅海盐焦糖雪糕，邪恶到爆灯唔怪得知老婆大人掂都唔敢掂，唔紧要啦交俾我帮口食埋佢𠮶份！最后食到捧住个大肚腩走真系好开心嘅肉肉晚餐，又系时候同大家讲拜拜喇下次再约大家人齐出食去好嘢。
Smokehouse Grill
电话：29720078
地址：旺角亚皆老街8号朗豪坊13楼05号舖
张贴
