影片
更多
2016-04-07
909 浏览
Plan A 山长水远寻找怀石料理，揾到黎铜锣湾千里禅，不幸地暂停供应！细心睇睇几个 menu，都好多选择，但今日无和牛刺生呢，只有 A3 和牛铁板供应。哗！虽然怀石暂停，但有类似怀石既 Kaiseki 会席套餐㖞！睇完 set dinner 完全唔感兴趣，唯有转 Plan B Omakase 啦，都系我既第一次！内笼装潢传统日式餐厅，优雅舒服、大方得体，亦都宽敝雅致。今晚几乎包场，大厅只有我地及另一枱食客，听师传讲 VIP 房仲有客呢。环境非常宁静，可以慢慢享受我既晚餐喇。菊秀，比出羽樱更香更醇！质感幼滑而清香，水质香甜配日本菜一流，力推！比我以往饮过既清酒有过之而无不及。先饮几杯 hot hot 口，开一开胃预备起动食大餐 ﹗炸鳕鱼片， 前菜小食，唔讲真系估唔到系鳕鱼黎㖞，外脆似饼干，里面微微咽韧有鱼干感觉，鱼味清淡所以唔会觉得佢系鱼啰。都几香口，送送酒都唔错。萤光鱿鱼，从来未食过这么新鲜肥美，胀卜卜甘甜，爽弹多汁既萤光鱿鱼，一咬爆汁，咸香味特出而带澎湃霸道鲜甜香气 ﹗以前食过既算罢啦，无得比。有点想 encore 添，但都系唔好咁冲动，仲有劲多正野黎紧！依家只系前菜乍。食完两款小
内笼装潢传统日式餐厅，优雅舒服、大方得体，亦都宽敝雅致。今晚几乎包场，大厅只有我地及另一枱食客，听师传讲 VIP 房仲有客呢。环境非常宁静，可以慢慢享受我既晚餐喇。
菊秀，比出羽樱更香更醇！质感幼滑而清香，水质香甜配日本菜一流，力推！比我以往饮过既清酒有过之而无不及。先饮几杯 hot hot 口，开一开胃预备起动食大餐 ﹗
炸鳕鱼片， 前菜小食，唔讲真系估唔到系鳕鱼黎㖞，外脆似饼干，里面微微咽韧有鱼干感觉，鱼味清淡所以唔会觉得佢系鱼啰。都几香口，送送酒都唔错。
萤光鱿鱼，从来未食过这么新鲜肥美，胀卜卜甘甜，爽弹多汁既萤光鱿鱼，一咬爆汁，咸香味特出而带澎湃霸道鲜甜香气 ﹗以前食过既算罢啦，无得比。有点想 encore 添，但都系唔好咁冲动，仲有劲多正野黎紧！依家只系前菜乍。
食完两款小食，Omakase 即张开始喇！好紧张呢，唔知师傅会整什么美味、特别既时令靓菜呢，舞枱已经布置好，青柠、昆布、豆苗、红桑子、岩盐、wasabi，盘景一样，ready go！Part 1 首先刺生打开阵。
步鲷刺生，闻所未闻。卖相出众、吸引力强。鱼味较淡，鱼油亦稍逊，肉质咽韧非常有嚼劲，卷住日本葱配酸醋同吃，清新又醒胃！由淡食到浓系常识，而且师傅会细心地从旁指导如果品尝能够食出最鲜既一面。
血鲷刺生，鱼皮泛著银光而透出微红色，鱼味散发微弱血香味，鲷鱼肉质普遍结实中带点幼滑；鱼味清淡中带一丝甜美 ﹗配上少少山葵豉油好美味啊 ﹗
横线笛鲷刺生，外观跟血鲷有几分相似，味道都非常相近。鱼皮颜色比血鲷更红，稳约见到有条黑色线。鱼味比血鲷稍为突出，沾上一点点青葵豉油能够特显更强既鲜甜味道。
帆立贝刺生，师傅教路，唔好添加任何调味料呢，直接啪入口就得喇，我当然信您啦。一跣入口，劲软棉滑溜、香甜无比、余韵强烈而持久 ﹗正到不得了，超级好味道！被上盛鲷鱼连击三野后，要先稍为舒缓一下情绪，再继续战斗 ﹗
活日本象拔蚌刺生，虽然系比较细只，又份量不多，但胜在片片爽脆滑滑，鲜甜味占据每颗味蕾，晕得一阵阵 ﹗美味极致，无话可说。 活赤贝刺生，血红色的宝石，跟一般寿司赤贝有著天渊别。黏黏滑滑又鲜味，外脆内棉，强烈香甜味够霸道但又讨人喜欢，百吃不厌。
赤虾刺生，意料之外质量媲美牡丹虾，本来一直心里都觉等赤虾比牡丹虾次一等，但依一只实在令我刮目相看 ﹗新鲜度无可挑剔，颜色富光泽又闪令饮，质地既黏又夹爽、弹力十足，使到味蕾活泼地跃动，虾甜味跟海水咸香直击脑袋，舌头已经完全臣服于赤虾之下 ﹗
油甘鱼腩刺生，我既致爱，比三文鱼腩更爱 ﹗鱼油丰富澎湃，滑嘟嘟细致幼滑，又不失结实咬口。甘香鱼脂喂满每粒细胞，兴奋异常，味道留系齿缝间久久不散。
吞拿鱼赤肉刺生，由细到大对赤肉都好抗拒，因为小时候有唔开心既经验啰 ﹗淡而无味、无鱼鲜味、强烈雪藏味、等等。但今真系一雪前耻，原来赤肉都可以好好食架 ﹗虽然始终偏瘦削，鱼脂欠棒，不过赵赵下鲜甜味道缓缓冒起，温柔而不剧烈，质感腍得橡海棉，都唔差，食得过㖞。冲刺左一段时间，毫无间断不停地食 ﹗件件刺生鲜甜可口，配上鲜山葵蓉既清香，味道细致，绝对无得弹！我只能静静地低头慢慢咀嚼，全神贯注地品尝！我问师傅：食客系咪有样睇架？咁利害连续中左几款都系我最爱既刺生呢！好正啊！
极上吞拿鱼腩刺生，依件粉红色吞拿鱼腩不得了，可遇不可求，色泽光亮夺目，发晒光既粉红色。一放入口就已经完全溶化，透进每条血管、每颗红红球，牙齿都无用武之地！香喷喷鱼脂澎湃、油润非常、滑溜甘香、滋润心灵 ﹗溶化后只剩下少量鱼筋，好有咬口要慢慢咀嚼，藏在深深处既香甜味道缓慢地释出，非常可口啊！震动全身 ﹗
鹰羽鲷刺生，时令罕见鲷鱼，可能条鱼日日都有做健身，好有肌肉，超有咬劲，非常结实弹牙！外观仲好鬼靓添，切成长条形，而且颜色真系好似羽毛呢！味道清爽带甜美，泛著脱俗既感觉，不浓不浊不呛！跟刚才几款重口味、重鱼脂既肥美刺生完全唔同呢，南辕北辙，可以让味蕾及舌头稍为歇息一下。
乌头刺生，师傅新奇推介，有咩好惊呀，最惊无野食啰 ﹗本身乌头味道清淡，卷上日本青葱配埋鲜山葵蓉再沾少少酱油，好食到晕！又会咁鬼好味呢？软滑棉棉，异常地鲜甜清爽，沐浴于晨曦甘露一样。以后食乌头仲蒸唔蒸蒸好呀？我只系试左几块，但 VIP 房内有食家 order 左一整条呢，十分羡慕啊 ﹗
昆布汤，连场激战后，终于可以少休一会喇 ﹗估唔到今晚最初谂住食怀石料理，依家变左 Omakase 长途持久战呢 ﹗饮返个热辣辣清甜昆布汤，清清味蕾、口腔及食道，暖暖胃、回回气先得呀。食左两款餐前小食、12款刺生、饮埋依碗昆布汤，终于进入 Omakase part 2！
日式甜麻酱烧日本茄子，第一次食细细只既日本茄子。口感及质感都非常好，茄子肉非常软棉棉，非常湿润，粗条纤维滑溜多汁，不过真系坚甜，但好好味。酱汁还渗著点点燋香，像燋糖又似麦芽糖，有趣。
铁板A3和牛， 卖相无得输啦 ﹗和牛肉汁闪闪发光，加上茄子、豆苗、青辣椒摆位井井有条，甚为美观得体。铁板A3和牛，连滚热辣铁板送上，和牛躺在热腾腾铁板上不停释出烤肉香气，包围整个身体，我顶唔住喇 ﹗一夹整块掉入口，外层煎得香口微脆，紧锁澎湃肉汁在内，一咬缺堤般泛滥 ﹗半溶化既和牛滑嘟嘟，肉汁丰富！溢出浅浅牛味，肉质弹牙有劲，中间粉红嫩肉棉滑细致，那有唔好食之理呢 ﹗细味极上和牛令到精神已在崩溃边缘，即刻食条烤辣椒回回魂，虽微辣但亦不能掩盖其爽甜味道。
金箔萝卜鲜淮山渍，黎个渍物清清味蕾、消消滞，so Good！好钟意食爽脆鲜淮山，咸中带甜既酱油味加埋酸萝卜就够晒开胃啦，撒上金箔闪闪生辉更觉气派。
笠子寿司，又黎不知名既当灶鲜鱼，越神秘越喜爱，食家最基本要有冒险精神！笠子肉质软棉滑溜，味道清淡中泛起酱油清香，还食得出微弱山葵芳香添。顺序渐进，由淡食到浓。师傅话已经调好味，里面已经加左鲜山葵同豉油，无需再加任何调味料架喇。Yes sir ﹗完全明白。所以刚才 waiter 已经将枱面既山葵豉油收起左噜。
比乃之寿司，好有光泽既颜色，非常诱惑。二话不说一掉入口，鱼肉软棉棉滑溜溜，凉快、舒服感觉直迫心脏，好感动啊 ﹗清清淡淡，溢出浅浅豉油山葵味，鲜鱼清甜味夹杂其中，温和既味道。寿司饭略湿左少少腍左少少淡左少少，甜醋不够突出，免强合格！暂时食过最 top 寿司饭系秋田！继 part 1 刺生、part 2 热熏后，终于食到 part 3 既寿司喇，其实已饱饱地。
红衫鱼寿司，唔系挂？食完乌头刺生依家到红衫鱼刺生，真系可以生食？我无有怕啦。油润反晒光既浅粉红色，程半透明既鱼生若隐若现非常诱人。质地非常有弹性，滑溜就唔在讲啦，鱼味比刚才笠子及比乃之为浓，好味道 ﹗加埋日本子姜同鲜山葵蓉就更加好味！日本子姜咁甜既？而且只系小小辣乍㖞。
火炙平目裙边寿司，烧完劲油润呀！鱼脂劲到滴出黎，溶化左既油脂已被饭粒完完全全吸收，散发出浓厚鱼脂香气 ﹗烧过既平目味道更加浓缩，鱼味特浓，外层香口松软滑潺潺，里面滑溜带咬口，一个字 ﹗正 ﹗
火炙吞拿鱼腩寿司，油脂丰富既鱼腩最好配寿司黎食，可以索尽所有精华，一滴不漏，无浪费呢 ﹗最肥美既粉红色吞拿鱼腩烧完后表面充满油份，甘香无比，一跣入口 ﹗跟饭粒打得火热，完全混和。软滑无穷既鱼肉，闭上眼感受一下香喷喷幸福之味。火炙鳗鱼寿司，唯一我钟意既熟寿司，因为啖啖肉麻。鳗鱼烧得芳香，松软滑溜鱼肉够厚又有肉食，扫上甜酱油就食得更加滋味啦 ﹗
赤海胆军舰，第一次食赤海胆。系无饭既军舰呢，海胆塞得满满再包上烧过既紫菜，烧过特别香脆架㖞！深橙色带点红色既赤海胆居然系结实弹牙架 ﹗从来味食过弹牙饱满既海胆，好得意、好有趣！味鲜浓郁、清甜又可口！正到震。
火炙吞拿鱼筋寿司，点解咁重牛肉味既？竟然烧完既吞拿鱼筋会系牛肉味啰，仲要牛味极浓而香甜，软滑棉棉又油润，香口甜美，非常好食。
香葱吞拿鱼腩蓉紫菜手卷，紫菜脆到勒勒声呀 ﹗香葱混埋激油吞拿鱼腩蓉真系绝到无轮，香甜度爆灯，完完全全比佢攻陷，我投降喇 ﹗就算依家饱到食唔落都要食晒先甘心 ﹗
面豉汤，开心既时间好快过，话咁快又到尾声喇，饮埋个暖笠笠既面豉汤先。自家绿茶布甸、自家麦芽软糖！饱饱饱，揽住个肚腩返屋企！麦芽干糖好香又唔太甜，咽咽韧韧好好味㖞，连我唔钟意食甜既都赞。
劲搞笑！Omakase食到手卷既时候我居然问师傅你仲有几多款未出呀？我已经好饱顶唔顺喇！两款小食，12 款刺生、两款热熏、1款渍物、5款寿司、1款军舰、1款手卷、两个汤、两款甜品、1支清酒！只需 $1000 蚊位，物超所值啦 ﹗
菊秀
17 浏览
0 赞好
0 留言
炸鳕鱼片
13 浏览
0 赞好
0 留言
萤光鱿鱼
7 浏览
0 赞好
0 留言
步鲷刺生
12 浏览
0 赞好
0 留言
血鲷刺生
10 浏览
0 赞好
0 留言
横线笛鲷刺生
7 浏览
0 赞好
0 留言
帆立贝刺生
8 浏览
1 赞好
0 留言
活日本象拔蚌刺生
2 浏览
0 赞好
0 留言
活赤贝刺生
4 浏览
0 赞好
0 留言
赤虾刺生
6 浏览
0 赞好
0 留言
油甘鱼腩刺生
13 浏览
1 赞好
0 留言
吞拿鱼赤肉刺生
6 浏览
0 赞好
0 留言
极上吞拿鱼腩刺生
7 浏览
0 赞好
0 留言
鹰羽鲷刺生
26 浏览
0 赞好
0 留言
乌头刺生
25 浏览
0 赞好
0 留言
昆布汤
7 浏览
0 赞好
0 留言
日式甜麻酱烧日本茄子
6 浏览
0 赞好
0 留言
铁板A3和牛
10 浏览
0 赞好
0 留言
铁板A3和牛
7 浏览
0 赞好
0 留言
金箔萝卜鲜淮山渍
18 浏览
0 赞好
0 留言
笠子寿司
17 浏览
0 赞好
0 留言
比乃之寿司
7 浏览
0 赞好
0 留言
红衫鱼寿司
16 浏览
0 赞好
0 留言
火炙平目裙边寿司
4 浏览
0 赞好
0 留言
火炙吞拿鱼腩寿司
8 浏览
0 赞好
0 留言
火炙鳗鱼寿司
7 浏览
0 赞好
0 留言
赤海胆军舰
8 浏览
0 赞好
0 留言
赤海胆军舰
11 浏览
0 赞好
0 留言
火炙吞拿鱼筋寿司
20 浏览
0 赞好
0 留言
面豉汤
11 浏览
0 赞好
0 留言
香葱吞拿鱼腩蓉紫菜手卷
13 浏览
0 赞好
0 留言
自家绿茶布甸
10 浏览
0 赞好
0 留言
自家麦芽软糖
13 浏览
0 赞好
0 留言
6 浏览
0 赞好
0 留言
15 浏览
0 赞好
0 留言
11 浏览
0 赞好
0 留言
11 浏览
0 赞好
0 留言
21 浏览
0 赞好
0 留言
张贴
