貳號冰室 (已結業)

今日因为人在柴湾工作，对附近食店冇乜头粹，加上天气热行到个人炆炆地，唯有靠直觉，见到工厂区内「贰号冰室 」决定再比机会佢。时间只是12 点多已经全院满座，茶餐厅优点就系客人食完就撇，吾使念咁多，所以都好快入座。餐厅内衞生真麻麻，成地垃圾，枱面痴痴立立，见到都令胃口大减。冇乜胃口，唯有求其小小嘢顶下肚。难得有面包柜，就吃个包，饮杯嘢算数。菠萝叉烧包依段时间嘅包当然非新鲜出炉，但拎上手仍然有温度，包顶层菠萝皮较为簿身，大力小小拎住巳经碎咗，一啖咬落去巳经吃到馅料，叉烧并非一粒粒，睇落冇中式叉烧包馅料咁靓仔，颜色偏灰灰的，但味道比卖相好，叉烧馅不少，差不多食到尾仲有馅，比坊间的空气包做得更好吃。热央温度足，茶和咖啡比例差小小，味道较苦，花奶不够，口感也较鞋口，但可以接受。