小蟻人 甜品西餐 (已結業)

同一班朋友食完饭想hea多阵就走去厚福街食甜品，见间间甜品店都排长龙，唯独哩间要落楼梯唔洗等，所以就唔理咁多落去。餐厅话晚上9半后叫88蚊既草莓心太软就送一个68蚊既甜品，所以我地6个人叫左3 set😂个心太软好怪好怪，首先一上店已经好大阵芝士味，睇清楚餐牌系士多啤梨味，都淆淆地底！食落好怪，有阵臭味，唔知系咪牛油出左事，无士多啤梨味，食落劲甜，唔知想点。雪糕系mo牌雪糕，一定好食。68蚊甜品拣左个绿茶窝夫，基本上个窝夫系正常既，好浅绿茶味，微暖，都尚算叫脆，但系个雪糕细到咁，一旧窝夫都唔够伴啦，搅到成件事干争争，d吉士酱唔好食，唔香，好甜！价钱除开都要4十几蚊，其实唔平，不过就可以坐好耐无人理啰！