影片
更多
2023-08-03
3195 浏览
写得食评都系由劣质逼出嚟。起初点了咕噜肉、煎咸鸡同一煲海鲜炒饭。系无惊喜下连相都费事影。咕噜肉未至于啲杂志、youtuber 煲到咁好食，粉浆上碟时系仲脆嘅，达到基本要求，但个汁当日就偏咸咗，轻微乸脷，山楂果香未至于好出。 比佢好食嘅多的是。 煎咸鸡就把鬼，干柴咁，一啲都唔好食。 通常expect 咸鸡啲肉系一丝丝，呢只鸡啲肉就粉嘅，用咩货心照啦。 成碟嘢同隔夜鸡煎返热无分别，求其堆啲蒜头同葱系面… 后来加𩠌 ～$178嘅土鱿蒸肉饼同$158嘅琵琶豆腐果然有惊喜， XXXX! 仲衰过街边三𩠌饭同茶餐厅。 一块又实又硬嘅起角肉饼求其加啲土鱿碎系面就出品，唔讲真系以为新嚟初次煮中餐嘅姐姐煮添。 其次系啲肉好大阵猪骚味，同枱啲朋友食唔落口，惨变厨余… 琵琶豆腐又系把几火， 卖相已经偏㶶，第一啖咬落去嘅质感，完全地系街边劣质煎酿三宝𠮶旧弹牙粉团，亦都系第一次食到咁嘅口感嘅琵琶豆腐。 送嘅蕃薯糖水就算罢了，完全沟到无味…呢间餐厅每一道菜比外面有质素嘅餐厅已经好厚面皮咁收贵 30-40%， 上菜无摆盘之余，啲上菜碟同茶餐厅有得挥… 一间米芝莲推介嘅饭店连茶餐厅质素都不如仲㩒住嚟抢， 不如下次系三
起初点了咕噜肉、煎咸鸡同一煲海鲜炒饭。系无惊喜下连相都费事影。
咕噜肉未至于啲杂志、youtuber 煲到咁好食，粉浆上碟时系仲脆嘅，达到基本要求，但个汁当日就偏咸咗，轻微乸脷，山楂果香未至于好出。 比佢好食嘅多的是。
煎咸鸡就把鬼，干柴咁，一啲都唔好食。 通常expect 咸鸡啲肉系一丝丝，呢只鸡啲肉就粉嘅，用咩货心照啦。 成碟嘢同隔夜鸡煎返热无分别，求其堆啲蒜头同葱系面…
后来加𩠌 ～$178嘅土鱿蒸肉饼同$158嘅琵琶豆腐
果然有惊喜， XXXX! 仲衰过街边三𩠌饭同茶餐厅。 一块又实又硬嘅起角肉饼求其加啲土鱿碎系面就出品，唔讲真系以为新嚟初次煮中餐嘅姐姐煮添。 其次系啲肉好大阵猪骚味，同枱啲朋友食唔落口，惨变厨余…
琵琶豆腐又系把几火， 卖相已经偏㶶，第一啖咬落去嘅质感，完全地系街边劣质煎酿三宝𠮶旧弹牙粉团，亦都系第一次食到咁嘅口感嘅琵琶豆腐。
送嘅蕃薯糖水就算罢了，完全沟到无味…
呢间餐厅每一道菜比外面有质素嘅餐厅已经好厚面皮咁收贵 30-40%， 上菜无摆盘之余，啲上菜碟同茶餐厅有得挥…
一间米芝莲推介嘅饭店连茶餐厅质素都不如仲㩒住嚟抢， 不如下次系三𩠌饭买完换碟，应该啲客会赞仲好味…
环境就可能楼底矮，局住啲声，好嘈…
土鱿蒸肉饼
243 浏览
1 赞好
0 留言
张贴
