驊記糕點屋

营业中

休息中

咧间舖头嘅糯米糍已经食左好多年，由我小学，佢喺杂货舖门口租个角落卖糯米糍到我而家出黎做野，佢变到有自己一个舖位，真系好多野都变晒。但佢出品嘅糯米糍除左细粒咗少少之外，花生馅嘅味道，皮嘅厚度，烟韧软熟程度真系无变过，好好食。我试过好多唔同地方嘅糯米糍，即使系好多年历史嘅饼铺都无咧间舖头嘅糯米糍咁啱我口味，一嚟好少舖头个皮可以做到咁薄，其次系个花生馅砂糖同花生嘅比例，有唔少舖头都好甜，唔太觉得有花生嘅香味，而咧间嘅糯米糍就好适中，食落口有花生香味之余亦都甜甜哋。有时候好矛盾，好想佢可以长久咁做落去，但亦都想自私啲可以少啲人排队。不过有麝自然香，佢嘅品质可以话比名牌子更好。希望佢可以生意兴隆，我就一直都可以食到咧啲人间美食