Le Jus (已搬遷) 新店位置

台式茶饮一向都系大行其道，我自己都饮唔少🤣不过饮得多呢啲肥仔水都想揾下啲新嘅alternatives，系中环嘅呢间Le Jus就系一个好好嘅选择，主打天然无添加嘅鲜果smoothie，全部不加糖浆，加入唔同生果配搭打成，色彩缤纷，卖相好吸引🤩🤩仲健康低卡，夏日炎炎系条街想饮返杯冻饮都可以考虑呢个咁健康嘅选择。我自己好欣赏佢嘅餐牌会清楚写明每款饮品嘅卡路里👍🏻而且分开fitness、wellness、green、avocado等唔同系列，配合唔同人嘅营养需要同口味，呢一种模式通常系外国好流行，香港就比较少见，好适合注重健康嘅人。Immunity C (芒果、香橙、菠萝、生姜、柠檬)呢款主要用水果做base，仲有我自己好钟意嘅姜味，系果汁加少少姜味带点刺激感好正架😗😗呢款加入唔少tropical fruit，饮到天然水果甜味，仲有强烈又唔会太抢嘅姜味，好refreshing。人均消费：$40推介指数（10分为满分）：8分