影片
更多
2022-10-01
44 浏览
「华香鸡」喺铜锣湾站C出口出，转左沿住骆克道一路直行经过条天桥就到。黎到梗系要试下d鸡啦，嗌左「特色四宝套餐」，一次过试晒华香鸡同茶香鸡两款口味嘅鸡。❤️特色四宝套餐华茶鸡饭+卤猪耳+卤腩片+白饭+老火汤写就写系「一人份」但我同朋友share食都觉得饱，可想而知呢个套餐嘅份量系几咁十足！华茶鸡饭即系华香鸡拼茶香鸡。鸡肉滑嫩啖啖肉，虽然好似讲紧废话，但真系鸡有鸡味。鸡旁还奉送姜葱，本身都唔想点因为惊咸。朋友话d 姜葱唔咸我就试试。果然真系唔咸，重食得出姜同葱嘅味道，证明姜葱系厨师用新鲜姜同葱切成蓉而冇添加多余的盐，值得一赞！👍🏻卤猪耳爽脆。卤腩片肥瘦适中。加左$3转黄姜饭。个饭都好大碗，黄姜饭入口好香，令我胃口大开，不自觉食多几啖饭！老火汤系清补凉。上枱时热乎乎重冒烟，够晒热，饮完好暖胃，正呀！👍🏻有大量汤渣如淮山、薏米、瘦肉等，十分足料！汤落左鸡脚去煲，饮落更鲜甜。好饮到连汤渣都食晒！睇睇餐牌，除左鸡重有牛同鱼食。嗌左个榄角酱鲈鱼煲试下。❤️榄角酱鲈鱼煲同老火汤一样，上枱时蒸气腾腾。鲈鱼入口重热，一d都唔鯹👍🏻，啖啖肉，但食嘅时候都要小心d鱼骨啊～连埋榄角酱一齐食，甜甜的榄角酱加上新鲜嘅鲈
黎到梗系要试下d鸡啦，嗌左「特色四宝套餐」，一次过试晒华香鸡同茶香鸡两款口味嘅鸡。
❤️特色四宝套餐
华茶鸡饭+卤猪耳+卤腩片+白饭+老火汤
写就写系「一人份」但我同朋友share食都觉得饱，可想而知呢个套餐嘅份量系几咁十足！
华茶鸡饭即系华香鸡拼茶香鸡。鸡肉滑嫩啖啖肉，虽然好似讲紧废话，但真系鸡有鸡味。
鸡旁还奉送姜葱，本身都唔想点因为惊咸。朋友话d 姜葱唔咸我就试试。果然真系唔咸，重食得出姜同葱嘅味道，证明姜葱系厨师用新鲜姜同葱切成蓉而冇添加多余的盐，值得一赞！👍🏻
卤猪耳爽脆。
卤腩片肥瘦适中。
加左$3转黄姜饭。个饭都好大碗，黄姜饭入口好香，令我胃口大开，不自觉食多几啖饭！
老火汤系清补凉。上枱时热乎乎重冒烟，够晒热，饮完好暖胃，正呀！👍🏻有大量汤渣如淮山、薏米、瘦肉等，十分足料！汤落左鸡脚去煲，饮落更鲜甜。好饮到连汤渣都食晒！
睇睇餐牌，除左鸡重有牛同鱼食。嗌左个榄角酱鲈鱼煲试下。
❤️榄角酱鲈鱼煲
同老火汤一样，上枱时蒸气腾腾。
鲈鱼入口重热，一d都唔鯹👍🏻，啖啖肉，但食嘅时候都要小心d鱼骨啊～连埋榄角酱一齐食，甜甜的榄角酱加上新鲜嘅鲈鱼，令鲈鱼味道更鲜甜！鲈鱼下面重有洋葱🧅，洋葱本身都甜。
❤️另外加左个净鸡汤米。估唔到咁大碗！我同朋友分一半食都觉得饱。个汤底整得几入味，好味到我连汤都饮埋！
餐厅写明「本店所有食品不添加味精、鸡精、糖精、醋精、香精」。食完呢餐，我信了。👏🏻👏🏻👏🏻
张贴
