影片
更多
2023-12-26
38 浏览
💁♀️💁♂️ 19/12/2023(Tue), Dinner🍽早前💁A先生嘅同事介绍公司不远处嘅歌赋街有间餐厅有手掌✋🏻咁大嘅海虾🦐汤面食，价钱合理而且无味精健康又好食😋😋😋，今晚一于放工后带埋钟意食虾🦐但又唔会自己剥虾壳嘅💁♀️为食妙妙一齐去食啦！餐厅蓝白色嘅外观再加埋包含晒鱼🐟、虾🦐、蟹🦀嘅logo，喺歌赋街都好易认到同揾到。走小店格局嘅餐厅座位唔算多，约有十个左右高枱高櫈嘅座位同埋两张小桌子，楼底够高所以感觉唔会好焗促。餐牌主要系面食同小食，都系以海鲜类为主，价格合理，走平实路线。餐点用上精致嘅餐具盛载，再用个托盘整齐的送上，仪式感十足。而今晚我地order咗：🔆 特大海虾🦐配招牌特浓鲜虾🦐汤面🍜（配溏心蛋🥚）（$168，套餐+$20）套餐除咗汤面之外，仲包埋2款前菜、炒菜或者炸物、生果同埋饮品，加$20绝对值得。前菜系腌青瓜🥒同埋话梅浸车厘茄🍅，份量唔系好大，正好打开胃口去迎接主菜。话梅车厘茄去皮后浸过话梅汁再冻食、入口酸酸甜甜，话梅嘅味道同车厘茄嘅味道十分匹配。炸物系两只吉列虾，食落香脆好食，当然相比汤面入面嘅主角特大海虾🦐嘅大小相差好远，但味道也不差。主角特大海虾足足有💁A
💁♀️💁♂️ 19/12/2023(Tue), Dinner🍽
早前💁A先生嘅同事介绍公司不远处嘅歌赋街有间餐厅有手掌✋🏻咁大嘅海虾🦐汤面食，价钱合理而且无味精健康又好食😋😋😋，今晚一于放工后带埋钟意食虾🦐但又唔会自己剥虾壳嘅💁♀️为食妙妙一齐去食啦！
餐厅蓝白色嘅外观再加埋包含晒鱼🐟、虾🦐、蟹🦀嘅logo，喺歌赋街都好易认到同揾到。走小店格局嘅餐厅座位唔算多，约有十个左右高枱高櫈嘅座位同埋两张小桌子，楼底够高所以感觉唔会好焗促。
餐牌主要系面食同小食，都系以海鲜类为主，价格合理，走平实路线。餐点用上精致嘅餐具盛载，再用个托盘整齐的送上，仪式感十足。
而今晚我地order咗：
🔆 特大海虾🦐配招牌特浓鲜虾🦐汤面🍜（配溏心蛋🥚）（$168，套餐+$20）
套餐除咗汤面之外，仲包埋2款前菜、炒菜或者炸物、生果同埋饮品，加$20绝对值得。前菜系腌青瓜🥒同埋话梅浸车厘茄🍅，份量唔系好大，正好打开胃口去迎接主菜。话梅车厘茄去皮后浸过话梅汁再冻食、入口酸酸甜甜，话梅嘅味道同车厘茄嘅味道十分匹配。
炸物系两只吉列虾，食落香脆好食，当然相比汤面入面嘅主角特大海虾🦐嘅大小相差好远，但味道也不差。
主角特大海虾足足有💁A先生手掌✋🏻咁大只，味道鲜甜而肉质结实弹牙，食完一只都已经好充实、好满足😋。
除咗主角之外，呢碗汤面仲有一只溏心蛋🥚、两片鱼肉、木耳丝同埋好重要嘅浓浓虾🦐汤底。其实呢啲配料都好高质素，食完只好好食嘅海虾都唔好错过佢哋。溏心蛋煮得入味，蛋黄嘅流心程度刚好。两片鲈鱼片嫩滑厚肉，但又唔会一夹就散。特浓鲜虾汤虾味非常浓郁，入口就好似有大量鲜虾浓缩咗喺你口入面咁，味道虽浓但又唔会感觉到腻，饮落顺喉舒服嘅，配合返弹牙嘅面条，好快就已经食到碗底朝天😋。
🔆 秘制酸菜鱼汤米线（$78，套餐+$20）
另一碗酸菜鱼汤米线同样用上店方自家熬制嘅鱼汤底，再配合酸菜煮成汤，味道唔会太酸太辣，系一般人都可以接受到嘅程度，亦都唔会抢去鱼嘅鲜甜味道。
碗内有多片鲈鱼肉，煮得刚熟嫩滑。配料有木耳丝、粟米🌽粒同酸菜，加上滑滑嘅米线，一啜入口就顺势连汤滑入喉咙。
前菜同样系腌青瓜🥒同埋话梅车厘茄🍅，再加埋清清哋嘅炒津白同生果，成个套餐都好丰富抵食。
🔆 蒸鱼肉烧卖配招牌特浓鲜虾汁（$28）
另外我哋都点咗厨师推介嘅蒸鱼肉烧卖配招牌特浓鲜虾汁，呢个小食嘅精髓在于个特浓鲜虾汁，店方将鲜虾汤底再煮，收干水份成为特浓鲜虾汁淋上烧卖上面，再加少少蛋黄酱mayonnaise平衡返个味道，再洒上少少虾片碎，趁热食虾片碎仍保持到脆度，又唔会觉得腻👍👍👍。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整体食评：9/🔟
❤🙆♀️(为食妙妙)整体食评：9/🔟
👉🏻 自家熬制嘅无味精海鲜汤底味道浓郁鲜味，即使饮晒都唔会觉得腻同口渴
A先生车友指数 🚗
🛣️ 交通容易指数：🚗🚗🚗🚗(4/5)
🅿️ 泊车容易指数：🚗🚗🚗🚗(3.5/5)
👉🏻 泊车方面可能要考虑泊IFC🅿️
👉🏻 皇后大道中行上嚟歌赋街都系几分钟路程，搭港铁、巴士或者小巴都好方便
🔆🔆🔆🔆🔆🔆🔆🔆🔆🔆🔆🔆🔆
张贴
