車品品小食 (已結業)

呢间食店又系口碑一流, 师傅成日心思思都想去试, 终于上星期试过, 而且仲要连续两日都有帮衬, 都咪话唔厉害!入到去地方唔算太大, 但环境都尚算舒服, 不过张凳就唔算好坐, 太细张同埋太硬! 坐底睇下食咩好, 发觉样样食物都好吸引, 最后决定叫个招牌大杂面, 碗仔翅, 净鲁肉饺同埋一个三车仔面!等左一阵先黎碗仔翅, 碗仔翅个汤底好清, 一d味精都冇, 不过翅就比较少, 反而肉丝比较多, 师傅冇咁钟意, 冬菇就几爽口, 正; 招牌大杂面就样样有d, 芝士肠, 红肠, 牛腩, 牛柏叶, 猪皮, 鱼蛋, 猪肠, 鱿鱼等等...... 真系样样都有d, 最重要系汤底冇味精, 可以呀; 净鲁肉饺果然系招牌菜, 鲁肉饺鲁肉一d肥膏都冇, 但味道甜美, 仲有d虾子净鲁肉饺面, 虾子好香好味, 好鬼正, 皮溥馅靓, 好正, 而家谂起又想再食喇!总括黎讲呢度d食物非常好味, 全部食物冇味精, 无添加, 加上老板娘都好有heart, 诚意可加, 师傅下次一定会再去帮衬!