影片
更多
2019-03-11
3262 浏览
早前到棉登径嘅「焱丸水产」食晏，路经呢间「牛魔」，晌铺面见到佢哋栋喺门口嘅介绍牌，几款肉类都非常吸引，就想想揾晚嚟试吓。是夜，就约咗夏总倾旅行嘢之余，就嚟到「牛魔」食餐好嘅，佢一向食开好嘢，点都要揾番间具质素嘅。未入餐厅，透过玻璃晌外面已见到内里环境好大，楼底高，空间感十足。除咗多张2、4、6人枱之外，仲有吧位及卡位，我哋被安排晌卡位，感觉宁舍阔落。睇店名，就会予人感觉喺日式烧肉店，再加上店内有少少招财猫嘅摆设。不过，最抢眼球喺入门右边嘅巨型墙画，一大幅着住和服嘅少女，美人胚子，笑容甜美，就算晌门口位影埋去，都见到画功细腻，笔触细致！虽然名字带点日本风，但绝对唔喺单卖日本牛，晌门口个牌睇到啲A乜乜乜，M物物物，有食开靓牛嘅朋友就知喺日本和牛同澳洲和牛嘅级数指标。再睇睇埋餐牌，就见到日本、澳洲、美国牛都有供应，仲有唔同部位，最正斗喺张「解剖图」，话你知喺咩部位，虽然睇完转眼就忘记，不过，当趣味睇睇又几得意。反一反转背面，就喺非牛肉类嘅食物，如猪肉、鸡肉、羊肉、海鲜、野菜、前菜、沙律、饭面及汤品，选择唔少，类别又多元化，更唔喺只得和食，仲有啲韩式、西式。唔使烦嘅谂食乜，就可以好似我哋咁，针
未入餐厅，透过玻璃晌外面已见到内里环境好大，楼底高，空间感十足。除咗多张2、4、6人枱之外，仲有吧位及卡位，我哋被安排晌卡位，感觉宁舍阔落。
睇店名，就会予人感觉喺日式烧肉店，再加上店内有少少招财猫嘅摆设。
不过，最抢眼球喺入门右边嘅巨型墙画，一大幅着住和服嘅少女，美人胚子，笑容甜美，就算晌门口位影埋去，都见到画功细腻，笔触细致！
虽然名字带点日本风，但绝对唔喺单卖日本牛，晌门口个牌睇到啲A乜乜乜，M物物物，有食开靓牛嘅朋友就知喺日本和牛同澳洲和牛嘅级数指标。
再睇睇埋餐牌，就见到日本、澳洲、美国牛都有供应，仲有唔同部位，最正斗喺张「解剖图」，话你知喺咩部位，虽然睇完转眼就忘记，不过，当趣味睇睇又几得意。
反一反转背面，就喺非牛肉类嘅食物，如猪肉、鸡肉、羊肉、海鲜、野菜、前菜、沙律、饭面及汤品，选择唔少，类别又多元化，更唔喺只得和食，仲有啲韩式、西式。
唔使烦嘅谂食乜，就可以好似我哋咁，针对几款套餐，每款套餐都喺二人份，已包咗渍物、小食、沙律、不同嘅肉类及海鲜、汤品或饭面，定价分别为$650、$730、$1,050 + 10%，以日式烧肉嚟讲，又喺两位计，唔算贵。
一于豪少少，拣个Set C先，好丰富架，有前菜、沙律、煎饼、A4和牛、虎虾、牛魔终极拼盘及石锅拌饭。
顺便就讲埋有咩饮品拣，估唔到又有几多选择㖞，由日本清酒（种类超多）、有汽餐酒、红白餐酒、韩国烧酒，以至生啤都有。
不过，小弟同夏总都喺不好杯中物，乖乖拣啲非酒类饮品。佢就喺可口可乐嘅死粉，我就喜欢纯果汁多啲。虽然我哋唔饮酒，但就见到枱边设有连枱自助啤酒机，即斟即饮，店员更话喺全港首创。
其实甫坐低，侍应就奉上凉凉哋嘅麦茶，好有麦好。而餐具都好精致，仲一早备有酱油、岩盐及海盐作调味，但个人觉得，啲肉真喺靓，唔蘸都无问题，顶多沾少少岩盐就可以喇。
桃子汁 $32唔喺斋水份嘅果汁，睇落仲喺有果肉成份，入口清甜，桃味自然，唔会太过一味得个甜字，凉凉哋，配吓啲煎饼、烧肉，着实唔错。
古法渍泡菜及前菜餐前，先上咗啲渍物，有酱腌青瓜、中华沙律及韩式泡菜，除咗当餐前凉茶嚟过过口瘾之外，更可以作为食烧肉嘅间场，清爽吓个味蕾。最正喺可以无限添加嘛，我哋都添多咗两转，咁佢哋本身又真喺几好食嘅。
豆腐沙拉配芝麻汁虽然话喺豆腐沙律，其实加有唔少青瓜、白萝卜丝及松子仁，令整体整嘅口感具层次，而芝麻汁调和得既有芝麻香，又唔太过杰身，食味不俗。
豆腐沙拉配芝麻汁
37 浏览
0 赞好
0 留言
香葱海鲜煎饼海鲜煎饼喺为人熟悉嘅韩国小食名物，虽然，海鲜料就唔多，但颇有香葱味，而且，煎得香脆，个煎饼又无话食到一口粉，粉浆做得唔错。
上咗两道「前奏」，侍应就主动问我哋开始食烧肉未，并以一小件牛脂肪「起炉」，一边烧，一边将炉面以油脂搽匀。而啲炉嘅抽风系统用下抽式，啲烟完全上唔过炉面就被抽走，食完绝对无一身油烟嘅问题。
日本A4牛魔野原烧（和牛薄切配月见汁沾蛋）睇见呢一大片薄切A4和牛，色泽粉嫩，油花平均分布，就已经叫人心动，配以日本鸡蛋及酱油，真期待入口嘅感觉。
日本A4牛魔野原烧（和牛薄切配月见汁沾蛋）
64 浏览
0 赞好
0 留言
烧好嘅A4和牛，剪成细件，淋上搅匀晒嘅蛋浆酱油，入口由于蛋酱关系，口感超滑溜，而牛肉入口肉质细腻，充满油香，真喺好味到无得输。
日本A4牛魔野原烧（和牛薄切配月见汁沾蛋）
28 浏览
0 赞好
0 留言
越南巨物虎虾睇见两只虎虾嘅呎吋、新鲜度，就知餐厅用料不赖。师傅更将其开边，方便烧，又方便食，伴上柠檬角，用唔用悉随尊便。
越南巨物虎虾
30 浏览
0 赞好
0 留言
啲越南虎虾果然得，大大啖放入口，鲜甜爽弹，呢个就建议沾丁点岩盐，喺可以大大提升虾鲜味。
牛魔终极拼盘「终极」就梗喺要终极出场，长条形木板放上5款牛肉，由左至右喺角切香葱M6横隔膜、澳洲M7和牛肉眼排（ 厚切 ）、美国Prime酱油牛肋骨、30日熟成Prime 西冷（ 厚切）、牛香葱牛脷，可谓每款都有唔同个性，值得小弟逐样写、逐样评。
牛魔终极拼盘
27 浏览
0 赞好
0 留言
咁刁钻嘅部位「横隔膜」真好少接触，啲色泽鲜红，亳无瘀疼哑哑嘅瑕疵，真喺好鬼死诱人。
由夏总出手，烧得特别香，外层仲带点焦脆，而肉质出奇地咗软腍。事后跟侍应交流，先知餐厅利用生果嘅天然果酸去腌肉，令肉质软化自然。
澳洲M7和牛肉眼排（厚切 ）同样，净喺睇见件肉就觉得掂呀！色泽红润，带点点油脂，虽然啲澳洲牛只喺M7质素，但已觉得质素高。
之前嘅横隔膜好软腍，但估唔到呢件肉眼排仲腍身，由于喺肉眼部位，肉味宁舍浓郁，口感、味道都一样咁正。
美国Prime酱油牛肋骨呢个牛肋骨就用咗韩式做法，以酱油腌，薄切后再卷成卷状，侍应更话腌超过12小时，故睇落非常入色。
经过酱油腌，可以讲喺别具风味，有一份酱油香，肉质一样柔软，好食。如果犹如平常食韩烧咁，配几片生菜俾我作配搭，就更加满足。
30日熟成Prime 西冷（厚切）跟住再食嘅又喺美国牛，取西冷部份，但正就正在以30日熟成处理过，之前晌一家专食熟成牛扒嘅店试过，30日熟成喺最理想嘅。
食完之后，我哋两个都赞不绝口，因为厚切关系，特别具口感，加上熟成处理，又喺西冷位，肉质细致，肉味比件肉眼更强，兼且富肉汁，一流呀。
牛香葱牛脷最后烧嘅喺牛脷，小弟一向都钟意食牛脷架，两大片牛脷，厚切就更合心水喇。
牛脷辣香两面，卖相吸引，而食牛脷，最吸引喺佢嘅咬口感，烟韧有嚼头，兼且有点牛脷独特嘅肉膻味。
石锅拌饭（牛肉 / 鸡肉）食完啲肉，其实都已经有八乘饱，加埋呢一大锅韩式石锅饭，饱到十足。虽然佢哋主打喺卖烧肉，但整起呢道韩式石头锅饭，绝对有板有眼，配上多种蔬菜、牛肉、鸡蛋，捞上韩式甜辣酱，搅匀就食得。
石锅拌饭（牛肉）
18 浏览
0 赞好
0 留言
云呢嗱雪米糍以为餐饭就咁完，最后，仲奉送两粒雪米糍俾你降吓温。虽然只不过喺云呢嗱雪米糍，无咩特色可言，但都喺一份点点心意，相信客人都好受落。
夏总好欣赏今晚餐饭，环境、服务、食物都好满意，仲话趁特别日子值得带埋老婆嚟试。我都好欣赏佢哋嘅服务，主动添渍物，不时问吓需唔需要帮手烧，食完晒，又帮手执拾好，且抹干净枱面，再加句：慢慢坐，以示唔喺催你走嘛。
张贴
