影片
更多
2019-05-12
939 浏览
今日去左哩间个名一d都唔屋邨既潮人馆屋邨小店晚餐, 原本第一下系谂有咩咁潮呀? 野食好潮定好多潮人黎食呀? 睇到佢门外menu先知原来系食潮州野, 个潮人系代表潮州人咁解😂😂😂门面同内里环境都好光鲜, 店内大小座位都有, 目测可以同时容纳40~50人左右。望望menu, 潮州菜黎讲价钱都算合理, 重点系免加一服务费一坐低就有位女士(唔知老板定伙记)不断推介马友同大眼鸡, 不过我地无要到, 女士就好似有少少不悦咁之后每一枱新客坐低都会听到佢极力推介马友同大眼鸡~有兴趣朋友可以试下😂😂金牌卤水鹅片$108食潮州野又点少得卤水鹅片呢, 我地3个人叫左个例牌, 鹅片入哂味, 厚薄适中,加埋少少肥既皮, 配搭得岩岩好! 推介潮式韮菜猪红 $48佢个汁加埋d香料落去煮, 味道好好, 但略嫌油腻左d, 面头成浸油不过可以点佢配埋既白酸醋食就无咁油~ 依个只系48蚊但份量好足够好多猪红潮州蚝饼皇 $75食蚝饼最惊佢炸到油淋淋同埋一大pat炸粉, 依个蚝饼完全唔会! 外皮煎炸到脆脆地, 炸粉唔会好厚, 食落口唔会成口油又有蛋香味, 蚝仔大大粒! 赞呀椒丝腐乳通菜 $48炒得好香, 48蚊系茶餐厅都未必食
门面同内里环境都好光鲜, 店内大小座位都有, 目测可以同时容纳40~50人左右。
望望menu, 潮州菜黎讲价钱都算合理, 重点系免加一服务费一坐低就有位女士(唔知老板定伙记)不断推介马友同大眼鸡, 不过我地无要到, 女士就好似有少少不悦咁之后每一枱新客坐低都会听到佢极力推介马友同大眼鸡~有兴趣朋友可以试下😂😂
金牌卤水鹅片$108
食潮州野又点少得卤水鹅片呢, 我地3个人叫左个例牌, 鹅片入哂味, 厚薄适中,加埋少少肥既皮, 配搭得岩岩好! 推介
潮式韮菜猪红 $48
佢个汁加埋d香料落去煮, 味道好好, 但略嫌油腻左d, 面头成浸油不过可以点佢配埋既白酸醋食就无咁油~ 依个只系48蚊但份量好足够好多猪红
潮州蚝饼皇 $75
食蚝饼最惊佢炸到油淋淋同埋一大pat炸粉, 依个蚝饼完全唔会! 外皮煎炸到脆脆地, 炸粉唔会好厚, 食落口唔会成口油又有蛋香味, 蚝仔大大粒! 赞呀
椒丝腐乳通菜 $48
炒得好香, 48蚊系茶餐厅都未必食到!
潮式沙爹牛河 $58
哩个真系要多d人一齐share, 一来咁大碟来河粉好饱, 二来沙爹汁虽然好食但系都会好腻, 同行友人系潮州人, 话依个潮式菜系出面都好少有~
5样野卖单$345, 食物味道全部都唔错, 朋友话依度菜式同味道都算正宗! 哩间隐身系小屋邨入面既小店, 绝对值得一试
张贴
