巴巴串

营业中

休息中

今晚决定同朋友嚟个无火串烧自助放题，去观塘嘅巴巴串任饮任食120分钟，另外仲可以加钱食无限时。餐厅环境舒适，佢哋一共三款餐选择，最基本嘅A餐都已经包近百种食物可以选择。我哋就拣咗中间个B餐，可以任食A餐＋安格斯牛板腱安格斯牛仔骨、安格斯牛粒、安格斯封门柳、皇室无激素猪腩肉、鸡泡鱼干、鲜甜扇贝、脆炸榴梿波波。如果拣C餐嘅话，可以任食A餐＋B餐嘅内容之外，仲可以任食美国SRF极黑和牛、西班牙伊比利亚猪梅片、纽西兰羊架及日本松叶冻蟹脚。呢度除咗串烧，仲有前菜、热盘、甜品、雪糕，另外仲有其他即叫即整嘅熟食，包括海鲜蒜蓉焗蚝、盐烧海虾任食！另有仲有烧卤水猪大肠、烧香草美国牛仔骨、大漠羊肉串等。无火串烧烧肉设备安全，有自动旋转烤炉，串烧放落机度就识得自己转，又唔怕比油弹到。自助吧任食串烧可以拎包括猪腩肉、秘制牛肋肉串、黑椒牛柳粒、盐烧熟牛脷、菠萝、日本刺身级帆立贝、蒜蓉包、丸类、野菜等。食材非常新鲜，B餐嘅安格斯牛，肉质松软嫩滑；鲜甜扇贝味道鲜甜又大只；食完肉类之后，再食烧菠萝🍍，解油腻一流，而且非常多汁，Juicy！超级满足！