必勝客

营业中

休息中

Summer之后一直都好忙，其实之前都有影食物相。但太耐都唔记得系边食同系乜，所以只可以补写番重有少少记忆的餐点。无无聊聊，同仔仔去拜完山，跟住就去左附近既钻石山行街食Lunch。仔仔又心多，行晒成个商场都唔知食乜好，最后行左2转，都系走番去Pizza Hut。咁谂住Pizza食唔驶都可以拎走既，所以就叫左个二人餐食啦。最后我地都打包左半个Pizza回家餐汤加冻柠茶，如果有蒜蓉包跟就好啦。焗薯蓉，钟意食薯仔既我，觉得依个真系好好味。因为我对鸡皇饭冇乜兴趣，所以依个基本上我食左3份2，仔仔食3份1。鸡皇饭，仔仔一个人食晒的，但老实，仔仔话饭有D硬，同个汁都冻冻地。（事后我仔第二日肠胃炎，唔知关唔𫔰事，但基本我同佢食既野都一样，系唯有依个饭我冇食过）。去Pizza Hut永远都系叫超级至尊，因为最多料，又有我钟意食既菠萝。加埋芝心边，最正就系个边呢。讲真，2个人咁就三百几，其实都真系一D都唔平。不过坐得叫做舒服啰，有时D钱，系买环境。