LAB10 (裝修中)

韩烧我整日都食，但lab 10呢间餐厅同其他韩烧唔同嘅地方就系一D都唔会烟雾濔漫。lab 10位于朗豪坊，但佢嘅价钱都好亲民，菜式选择又多，除了韩烧外，仲有传统韩式食物可供选择。由于唔想食咁多红肉，我地今次主要都系以烧海鲜为主。叫了2客虎头虾，一共4只，仲有1份带子。主食方面就叫了一份鳗鱼炒饭，韩式海鲜葱饼，还有2杯特饮。虎头虾好大只，烧完后唔会太干，而且好鲜甜，每人食了2只都唔系好够。烧带子连壳烧，所以唔会变干瑶柱，火候控制得相当好，啱啱熟，好鲜甜。鳗鱼炒饭估佢唔到咁好味，韩国餐厅估唔到有日式嘅鳗鱼汁，鳗鱼汁带小小甜，炒饭好干身，鳗鱼份量好多，呢个炒饭非常有水准。海鲜葱饼都好好味，带少少泡菜辣味，好惹味，饼身煎得外脆内软。呢间餐厅叫做lab10，佢嘅饮品就系经过无数嘅试验后调校出最好嘅味道。我地拣左西柚＋香橙＋蜜糖＋生姜果汁同碟豆花沙冰。西柚香橙味道异常地夹，带有少少姜嘅辣味，好特别。碟豆花颜色好靓，味道都好味，但比较单调。