LAB10 (裝修中)

朋友话好耐冇食过韩国烧烤，今日行完朗豪坊见到呢间都几多好评嘅烧烤店，就入去试下啦！餐厅有几个餐可以选择，简单来讲想食和牛就食A餐，普通牛同埋其他主食就B餐，唔食牛就食C餐，贵有贵食平有平食，视乎你钟意食乜嘢😌我同朋友就拣咗B餐食，第一round嘅时候系唔使自己落嘢食嘅，店员会先上一个牛肉拼盘同埋猪腩肉拼盘俾你烧住先，等嘅时候就可以落住嘢饮同埋去出边嘅沙律吧食住前菜先。出边嘅前菜选择唔算好多，但都有沙律小食同埋甜品3个种类。我哋食𠮶日小食有虾多士，都炸得几香脆，值得一试🥪 肉类方面，牛肉大部份都系安格斯牛肉，有牛版腱，牛肩肉，一口牛等等。不过我今次想推介嘅唔系牛肉，反而系韩式猪五花🐷 平时我好少食五花腩，因为觉得油脂比较多🤔 不过因为今次系烧肉，所以可以将d油脂烧走，而且个边烧到半㶶脆脆地，加埋本身嘅韩式酱汁，一d都唔会漏😀👍🏼👍🏼除咗肉类，餐厅都有几款海鲜供应，我地食左大虾，鱿鱼同蚝，每样都唔错正常发挥🦐🦑🦪