豚王 (新城市廣場) (已結業)

當豚王還在中環和安里的時候，小妹去過２次。由於店舖細細又呈半開放式設計，感覺置身日本街頭車仔麵檔，甚有風味。是日在New Town Plaza活動，便回味一番。一個人食飯的好處，就係當有一定數量客人等緊位的時候，可以攝位。當然，這視乎個別店舖的安排，並非必然。 環境方面，除了廚房位置較有和風味外，全店採用木枱同木櫈，換來簡約的飯堂感覺。例牌動作，order咗一碗麵加溏心蛋一隻。雖然碗麵本身有少量黑木耳，但由於近期食得唔係太健康，為另心理好過D，加咗一碗黑木耳。黑木耳份量唔少，無添加味道，好爽。咬一口溏心蛋, 蛋白好柔軟, 喝一口蛋黃, 好窩心。海鹽王(限定)湯底濃郁，有張嘴的感覺，麵亦好彈牙，雖則如此，味道無甚驚喜。