影片
更多
2018-01-17
655 浏览
近排某杂志吹捧到天上有地下无嘅坚料煲仔饭，今晚有幸一试，满心期待而去，点知失望『中伏』而回，首先讲一下主角 饭～暖暖地、二人份都要叫多碗白饭先够饱，因为得三碗仔唔满嘅饭，连饭焦四碗仔都唔够(是晚得我同朋友两个正常饭量女子)，再讲一下配角腊味 腊肠～得甜味，腊肉～普通，腊鸭～又咸又梗、完全无鸭嘅甘香，润肠～四种腊味嚟讲叫做最好食、肯定唔系一般街市平价货，嗱！讲到最重要嘅 饭焦～无焦香、薄薄一层un嘅，某杂志话老板会用茶帮客人煮饭焦粥，莫讲呢个服务无之外水都唔比杯你饮啊，记得某杂志有推介个限卖嘅老火靓汤(响螺头 南北杏 苹果 雪梨 猪骨)，无理由试㗎，Er！咁大个人第一次出面饮到例汤系乜汤渣都无、而且汤头清甜色淡『心照不宣』，口渴返到屋企要狂灌水先掂。ps. 利申相片系我即场影无偷图㗎，证明相片吸引唔代表一定好食
张贴
