凱悅茶餐廳

营业中

休息中

工作中午餐，青衣无乜选择！码头泊车方便！茶餐厅格局，光猛干净，桌面同餐具都好干净！有快餐同午餐选择！我拣「干炒叉烧油面」加热柠茶，店员勤快，好快上咗热柠茶，茶底好浓，唔涩，几好，之后上例汤「莲藕猪骨汤」，非常例汤味，饮唔出莲藕或猪味，只系一碗味精汤！值得赞系够热，热到烫咀！等咗一阵，同事嘅饭都到了，食到一半了！但我个油面都未到，忍唔住问了店员一句，佢即刻同我去厨房睇下，应该只有一个厨师炒嘢，所以排长龙，好在我个面都炒紧，好快上枱，上枱已经觉得卖相好靓，大大块叉烧半肥瘦（通常茶餐厅叉烧炒面都系全瘦）厚肉但唔嚡，淋身够味！即炒镬气够，油面咬落似意粉，无炒断，酱汁均匀覆盖每一条油面，够味道，中间夹杂爽脆洋葱丝同芽菜，！正！（怕肥唔好食，真系好多油）食物唔错，服务勤快，因为食店好近码头公厕，所以我唔知食店有无厕所！无祈望反而有惊喜！