SOYmart by 豆乳狂人

营业中

休息中

呢间专卖豆乳产品嘅店铺最近黄大仙都开左新店佢地嘅无糖豆乳每日新鲜制造 系我暂时最爱嘅豆乳店除左豆乳 仲有小食同粢饭🔸夏日之选 $60呢杯夏日之选口感真系超丰富！清甜嘅西瓜仲夹有芒果，软糯嘅芋圆配上幼滑豆花，作为饭后甜品好香甜清凉。🔸牛油果鳗鱼玉子粢饭 $55 个粢饭好大卷，最外层系粘软既糯米，内层馅料满泻，有牛油果🥑吉鳗鱼、蛋、青瓜丝🥒、肉松，味道鲜甜，口感层次好丰富！鳗鱼嘅软嫩口感同甘甜鱼肉味道相互融合，形成一种口感丰润嘅层次感。🔸牛油果吉列虾青瓜丝粢饭 $52粢饭口味一共有5款，作为牛油果控拣左2款牛油果系列。牛油果有绵密口感，而吉列虾嘅口感鲜脆，带有微微咬劲同鲜甜嘅海鲜味道，加入一啖啖嘅清脆青瓜丝，令整体口感更加清新爽口。粢饭则带有糯米嘅黏滑感，令饭粒紧实而有嚼劲。🔸西瓜豆乳 $48呢款系夏日系列嘅新品， 西瓜豆乳仲混合左幼滑嘅豆花同有咬口嘅大粒西米露，每啖都口感丰富，西瓜味道清甜，简直系最佳配搭。