老點里 (已結業)

差d错过咗，因为门面菜单无咩吸引到我，但行咗一个圈都系想食车系面，就试试佢，好彩无老点我😆餐厅环境干净，坐位都舒适，老板娘服务态度有礼！👍🏻点了五款净𩠌，萝白/猪皮/咖哩鱿鱼/麻辣鸡尖/菜芯，萝白入味带甜，刨皮够深无渣，够淋仲保持到型状👍🏻～猪皮淋滑入哂咖喱味；鱿鱼要赞，虽然切条分量少，但有咖喱味之余仲有鱿鱼味，口感实净；麻辣鸡尖分开上所以系冻食，咁唔会俾汤冲淡辣味，皮滑带肉保留到鸡味，辣味亦刚好，分量足有8只！👍🏻菜心唔会大大碌，但比较老身。饮品加$10有特饮，点了山楂柠檬茶，酸酸甜甜，正常发挥。我觉得一间好食嘅车仔面系睇有无用心做好每款𩠌嘅味道，唔会单一化调味，咁先有车仔面嘅精髓，食到变化，满足都贪心嘅我！总结十几数个𩠌唔算好平，但味道同分量是可以的，诚意制作，推介鸡尖同萝白！