稻香 (已結業)

都唔记得点解会嚟下午茶 不过好彩呢餐系人地请啫小点$7.80, 中及大点$9.80食物方面都系普遍嘅味道, 比较特别好味嘅就只有蚬芥鲮鱼球和泰式鸡丝捞檬。鱼肉鲜而不腥甜酸适中, 又大碗！但系令我最觉呕心嘅系「湿淰淰」的麻香杏汁包与义烧包 虽然我知应该系蒸笼的倒汗水, 但始终揸上手系湿嗒嗒, 好核突杏汁唔应该叫「汁」, 应该叫杏「糕」味道普通级的食物有:义烧又干又瘦, 河粉碎湿湿「浸」汤饺都有少少鱼翅仔肠粉皮无米浆, 澄面硬胶一条只吃到黑椒味吸油一流2:30pm后唔洗点等都好快有位, 而且个自助登记机几好玩, 几多位...自己输入, 搭唔搭台...自己输入, 个个排队玩, 唔洗同人争。