影片
更多
2022-10-02
193 浏览
放假去开湾仔整野，心仪嘅 Cafe 无开，就临急临忙揾左间喺利东街附近嘅Cafe 试下，本身见佢评价几好，个门口又整得几 fresh，都有少少期待，点知一入门口，我真系想行返出去 🤨 个女侍应粒声唔出，亦都无伸手示意，只系好恶咁望住我哋，然后拎个餐牌就咁放喺张枱度，就行开左去拎水俾我地，果一刻我真系以为佢唔想做我地生意 🙈 一直到比水我地，都完全无出声，笑容都无，如果唔系已经开始落雨，又好肚饿，我真系会直接离场算！落单果个就好少少，因为佢要 confirm 一次我地个 order，被迫开口讲野 😂 到埋单又系妙，收钱果位男士又系无表情，拎张单埋黎就咁摆低，找钱又系咁 😑 一直到离开我都感受唔到任何佢地想做生意嘅感觉⋯⋯ 我唔需要你好殷勤咁招呼我，亦都唔觉得顾客就系上帝，但我觉得基本嘅礼貌同尊重都必须要有嘅；咁又可能呢间Cafe系主打唔出声同冇礼貌啦，当我事前冇调查清楚佢嘅 style 啦 🙈Crab Meat Spinach Omelette满满嘅蟹肉同埋菠菜，蛋煎得好香唔油腻，半碟嘅面包好香脆，其实水准都几好～Grilled Chicken Avocado Ciabatta 鸡肉唔算
Crab Meat Spinach Omelette
满满嘅蟹肉同埋菠菜，蛋煎得好香唔油腻，半碟嘅面包好香脆，其实水准都几好～
Grilled Chicken Avocado Ciabatta
鸡肉唔算太鞋，有淡淡调味料嘅香味，牛油果同埋蕃茄啊菜𠮶啲都俾得够，食落都好清新同够饱嘅，味道普通唔算突出，但系一个健康嘅选择 🙈
Iced Mocha & Skimmed Milk Flat Whtie
Flat White 普普通通，唔难饮但冇惊喜；Mocha 麻麻地，朱古力同咖啡嘅比例掌握得唔系太好，唔太推荐 🙈
其实间餐厅装修得几好，有挂起唔同黑胶唱片，亦都会播音乐，当日播嘅系比较 Rock 嘅歌，所以我就略嫌嘈少少，同一个宁静嘅周末下午显得有少少格格不入 🙈
不过我应该都唔会再去呢间Cafe，环境系OK，但服务太差，食物同饮品质素亦都唔见太突出，同区应该有更加多更好嘅选择 🤓
但公平D讲一句，亦都有可能系用餐体验不佳，导致到我对味道嘅评价都比较负面，所以呢，如果你想有一个独特嘅用餐体验，或者想去验证一下佢嘅服务态度有冇进步到，我都欢迎大家去呢间试吓 😂
张贴
