功德林上海素食 (北京道一號)

营业中

休息中

忽然想起斋，所以嚟食斋前一天订枱，当日按预订时间前来，但餐厅原来没有做好准备，预留3人枱，只有两张椅，要自己找其他侍应帮忙加位，从来没有侍应主动为开盖的茶壶加水，算吧，就不喝水好了。蜜汁紫菜火腿卷必食个样真系好火腿，软软的火腿配上紫菜，还有甜甜蜜汁，味道好夹糖醋松子黄花鱼都有惊喜其实系芋头鱼，用腐皮包着芋头再炸香，虽然特别，不过入口没有香脆感。糖醋汁结踢踢，也不太让人喜欢。叫来几款食物都食得七七八八，便点了一客甜品--->高力豆沙，下单的人还问我们要不要加香蕉，以为找到个有心店员，点知......等咗20分钟，唔见个高力豆沙。跟住另一店员问我哋，截单了有冇嘢要加？我哋话高力豆沙未嚟。店员覆我哋，你要叫厨房起甜品......我去帮你哋啦。我又不是一开始点甜品，为何要通知他呢，还是算吧，一场误会。点知又等咗15分钟，真系想唔要个甜品，叫埋单走人。一举手，佢哋话高力豆沙嚟紧，先埋单因收银要埋数，咁可以理解，无谓左人收工。最后高力豆沙在眼前，一咬成嘴油，同埋无蕉嘅，明明话加蕉，继续算吧，快点食完离开就好了。D人话食斋要讲忍耐力，要心静，同埋坚持，今晚总于明白了，食斋真系要学 "忍" 。