新記煲仔雞粥 (已結業)

假日入元朗，朋友介绍了一间出名的粥店，餐牌既菜式好多，真系睇到眼花撩乱，咩都想试下，最后2个人叫左5道𩠌。天气都比较热，先叫2个前菜冷盘开开胃，第1道冷盘叫左我至爱既凉伴皮蛋，个酱汁唔太辣，如果辣少少会更加惹味。第2道冷盘就系海哲手撕鸡，份量颇多，海蜇爽口, 鸡丝嫩滑唔干柴，而酱汁既味道就相对比较淡，反而唔会盖左海哲和鸡丝本身既味道。黎到粥店，当然要试下佢既粥，于是叫左驰名海鲜粥，用砂锅上, 里面有虾兵、蟹将和带子，用料丰富，粥煲得够绵滑。除左粥出名外，呢度既炒粉面都有好多选择，简左道简单既火腿炒米粉黎送粥，米粉炒得岩岩好，唔会太干亦唔太湿，但整体粥和炒米粉既味道都偏淡，呢个时候配上浓味蒜茸炒螺肉就一流，蒜茸炒螺肉够锅气，仲有洋葱，三色椒等作配菜，最正系d螺肉全部去壳，唔洗自己慢慢撩,够晒方便，螺肉弹牙，够惹味。