影片
更多
2009-08-07
11 浏览
由于上一次有事急住走都未能够一试佢地既甜品, 所以今次再黎...入到去, 男朋友已然提醒我唔好食太饱, 要留肚食甜品... 而且今日都无咩特别想食~ 只系想食一味久违左既沙拉骨, 同埋一个菜... 果个肥胖老板就黎主动介绍菜式~ 又系同上次一样... 介绍一模一样既大富大贵同埋飞天通菜~ 心想... 哩间小厨不如粗粗的就指定几款小菜罢就, 何必浪费食家时间... 鱼并不是每人都爱吃而且你整既手法我未必欣赏~ 更何况系我哩个爱食鱼之人都唔系太欣想小店既鱼... 为免唔高兴加上要我一个人食晒整整一条98蚊既鱼~ 当然我唔会揾自己笨去叫鱼啦~ 已经想好... 就食沙拉骨同埋一个炒三蔬咁上下既野... 竟然肥胖老板一句话"哗... 唔系丫嘛~ 黎到我哩度梗系特式野啦... 沙拉骨留返出去茶餐厅食啦"就系咁样... 佢就强烈"建议"我地食佢既生炒骨~ 都OK啦... 个菜就硬"sell"我地食飞天通菜~ 其实我已经系屋企食左一个星期通菜... 出街食仲食? 食唔够吗... 叫我地食甜梅菜蒸菜远~ 上次唔系食过而且佢既梅菜已经唔多掂... 最后又再严重hard sell加劲话其他野唔好食既情况下唯
入到去, 男朋友已然提醒我唔好食太饱, 要留肚食甜品... 而且今日都无咩特别想食~ 只系想食一味久违左既沙拉骨, 同埋一个菜... 果个肥胖老板就黎主动介绍菜式~ 又系同上次一样... 介绍一模一样既大富大贵同埋飞天通菜~ 心想... 哩间小厨不如粗粗的就指定几款小菜罢就, 何必浪费食家时间... 鱼并不是每人都爱吃而且你整既手法我未必欣赏~ 更何况系我哩个爱食鱼之人都唔系太欣想小店既鱼... 为免唔高兴加上要我一个人食晒整整一条98蚊既鱼~ 当然我唔会揾自己笨去叫鱼啦~ 已经想好... 就食沙拉骨同埋一个炒三蔬咁上下既野... 竟然肥胖老板一句话"哗... 唔系丫嘛~ 黎到我哩度梗系特式野啦... 沙拉骨留返出去茶餐厅食啦"就系咁样... 佢就强烈"建议"我地食佢既生炒骨~ 都OK啦... 个菜就硬"sell"我地食飞天通菜~ 其实我已经系屋企食左一个星期通菜... 出街食仲食? 食唔够吗... 叫我地食甜梅菜蒸菜远~ 上次唔系食过而且佢既梅菜已经唔多掂... 最后又再严重hard sell加劲话其他野唔好食既情况下唯有叫左~ 仲sell我地酒浸猪红... no way~
黎到啦... 比想像中所讲既好食差得劲远既距离~ 而且劲多油... 我已经叮嘱要少油~ 相信都无听到啦~ 眼见佢同埋其他侍应都系硬sell果两三味菜既时候... 仲以同一手法咁sell真系听到不胜其烦~
甜品一环~ 相信都敌不过我既味觉... 同之前既食家所讲一样~ 硬sell心太软... 我都识整~ 洗乜黎系都食... 加上我见到隔离台叫左几个既卖相~ 已经多谢晒... 每个既形状都唔同~ 招牌甜品? 是特色吗? 我地想食火陷山... 但系同之前食家既情况一样话... 包你一定唔好食~ 既然唔好食又拢出餐牌? 已经说明唔想食梳乎厘都仲要硬sell... 叫左~ 只能讲一句比金船长好~ 但系并唔值得食... 叫左个椰丝奶冻~ 上台果刻我真系想问我地无叫椰丝㖞... 成座山咁~ 卖相真系好唔得... 我好想食tiramisu~ 可惜肥胖老板又话而家tiramisu唔好食架啦... 你食cheese cake啦~ 我都好耐无食过... 叫左佢提议既纽约芝士蛋糕~ 哗... 真系名符其实既芝士蛋糕~ 同一旧超市冻柜要磅的硬芝士口感一样咁硬~ 而且无味...
要不是男友既相机借左俾亲友去外地旅行, 我一定会将哩一餐咁无自由既晚餐post上黎睇下咩叫椰丝奶冻~
我一定唔会再去~ 未食过咁无自由既一餐... 如果service得俾负分我真系会俾负分~
张贴