甘永泰魚蛋 (已結業)

今日天雨路滑入嚟长洲食大鱼蛋，平时食开果间，执咗？装修紧？ 唯有去对面果间甘永泰啦。 叫咗一串都未食，就知伏已中。 见佢台面有盆未煮嘅鱼蛋hea喺度，乌蝇食先。 串鱼蛋，d滴落嚟嘅油多到够煮多几碟𩠌！清一色，冇汁！ 系乜汁都冇得拣，辣唔辣都冇得拣，只有油味。 拎上手已经失望到一个点，咬落去，都系油，油同埋油。 想点呢？？企喺档口旁边，见一行几人同我一样中伏中，当中有位婆婆，客气地问档入面一个大叔，可唔可以俾张櫈佢坐一坐。 大叔好似定格十秒咁款，好晦气咁话冇呀！ 果位婆婆的家人唯有扶住果位婆婆，手执鱼蛋，冒著雨一拐一拐咁四围揾可以坐坐嘅地方。 然后，相中果3位无情嘅大叔大婶，继续冷嘲热讽果位婆婆，话当自己系老板咩？帮衬几串鱼蛋就想坐，你估我地呢度堂食呀..........以我边食垃圾鱼蛋边观察，果位婆婆明显脚有事不能站太久，先会提出借櫈坐一坐嘅要求，并唔系想"堂食" 啰！ 更何况，果度油烟咁大，好人好姐都唔想"坐一坐" 啰果然，佢嘅同行亲友，不忍佢地冷嘲热讽，回应佢地3个，婆婆只系做完脚手术，企唔得耐啫，问一声，借就借，唔借咪算啰，冇必要喋喋不休，出言讥讽。相中果3个凉薄嘅人，本身年纪都