富園冰室

营业中

休息中

有时懒唔想煮午餐，唯有叫外卖。新商场新茶餐厅，午市繁忙时间只有外卖自取，打电话去话20分钟有得攞。我同老公叫咗两样嘢分享。去到餐厅好准时已经包好两盒嘢，两对筷子，两只匙羹。西式炒饭($52+$1外卖盒)。好足料，啖啖都有𩠌。有蕃茄粒，蛋花，肠仔粒，火腿粒，仲有虾。炒得干身，唔会太咸。份量大，一个女仔会食唔晒。食到底唔会有一层油，赞(橙色系我张枱垫)干炒猪扒炒公仔面($52+$1外卖盒)。同样唔马虎，有芽菜，韮黄，洋葱，葱，蛋丝，同埋五旧猪扒。面炒得干身唔会太油。加豉油炒所以比较咸，猪扒炸过偏肥腻。总结系，佢无茶餐厅大忌重油盐糖，可以再去帮衬~