甜品堂 (已結業)

一向对食物有要求嘅我，对于一d门口贴哂杂志宣传、不停自称最好嘅食肆，永远唔会相信，每一次初尝试，只抱住试一次，唔好就冇下次嘅态度。点知，今次系彻彻底底地唔止冇下次，仲要专登开个account讲下今晚嘅呢间「甜品」店。为免出事，已经叫咗个超级普通嘅甜品，竟然，冇卖相、冇内涵、胶制布甸一个！最后当然冇食！焦糖炖蛋~甜到入唔到口，面层焦糖真系焦，系烧焦，不过唔脆㗎，何来如此高超技术！最后，仲要冒死哽埋个梳乎里，至于好唔好食，唔想再多提！埋单唔该⋯个伙记黑口黑面，以为佢帮我哋计数，我望住佢，佢块面黑到黑红色，好嬲咁话：138呀！哗，我冇叫你cancel order已经好有品，你哋仲咁嘅态度？