影片
更多
2018-03-10
622 浏览
不经不觉，已经帮衬咗呢间鱼粥一年，因为做facial的铺头就在附近，所以几乎每次都食完先返家。今晚，9点钟左右做完facial，去到鱼粥时，望一望铺内得1x个客左右，但d客就分散晒坐系唔同既台，而我又攞住大袋细袋新买既衫，需要多d空间放野。于是，我就行入去问一个迎面行过黎既扎马尾既阿姐。我好客气咁问: 唔该，我可唔可以坐入面果度? 我用手指住铺入面左手边既玻璃窗后面果张细台。呢张台好特别，唔系成日开，因为有时阿姐会系果度切鱼片，果度其实系厨房黎。不过，我坐过好几次，都系阿姐主动叫我入去坐既。所以，今次我真系有需要啦，就直接问咗先。阿姐听到我问她，只系瞄咗我一眼就系我旁边掂行掂过，完全无意欲理我。算，我心念她可能有野做，等一等唔紧要！于是我就企系原位（铺中间）等，见她攞完碗粥俾个客后，我又第二次问她同样既问题，点知她竟然又系掂行掂过，睬我都有味! 😤😤😤😤😤😤当时其他食客已经发现我无人理，大家都望住我。☹☹好啦！事不离三，真系佛都有火!!!😠😠😠见住阿姐同厨房煮粥果个咬咗两句耳仔后，又攞咗碗粥准备送俾客食。当她经过我身边时，我又再问她相同既问题。结果她真系睬我都傻，完全、简直当我透明，施
今晚，9点钟左右做完facial，去到鱼粥时，望一望铺内得1x个客左右，但d客就分散晒坐系唔同既台，而我又攞住大袋细袋新买既衫，需要多d空间放野。于是，我就行入去问一个迎面行过黎既扎马尾既阿姐。
我好客气咁问: 唔该，我可唔可以坐入面果度? 我用手指住铺入面左手边既玻璃窗后面果张细台。呢张台好特别，唔系成日开，因为有时阿姐会系果度切鱼片，果度其实系厨房黎。不过，我坐过好几次，都系阿姐主动叫我入去坐既。所以，今次我真系有需要啦，就直接问咗先。阿姐听到我问她，只系瞄咗我一眼就系我旁边掂行掂过，完全无意欲理我。
算，我心念她可能有野做，等一等唔紧要！于是我就企系原位（铺中间）等，见她攞完碗粥俾个客后，我又第二次问她同样既问题，点知她竟然又系掂行掂过，睬我都有味! 😤😤😤😤😤😤
当时其他食客已经发现我无人理，大家都望住我。☹☹
好啦！事不离三，真系佛都有火!!!😠😠😠
见住阿姐同厨房煮粥果个咬咗两句耳仔后，又攞咗碗粥准备送俾客食。当她经过我身边时，我又再问她相同既问题。结果她真系睬我都傻，完全、简直当我透明，施施然咁经过我身边送咗碗粥俾我旁边果张台既食客，然后掉头走咗去。真系超激气，超过份，超差劣!👎👎👎👎👎👎
当下，我决定立刻头也不回，离开呢间不知所谓既食店，转过去隔离街同样卖鱼粥既铺头食!!!!
其实，当我讲第三次时，几乎所有既食客都望住我、目送我离开。因为成间铺，企既人一直只有我（企系铺头正中间）同呢个扎马尾既阿姐，而讲野既亦都只有我呢个大目标，其他人都食紧野，我就好似个傻人咁对空气讲咗三次同样既野，做咗三次同样既动作! ☠☠☠
呢间野，我永远唔会再去，待客如无物，连起码既尊重同礼貌都唔识，就算几好食都好，态度差、劣、低、俗，只会不停失去老顾客!😡😡😡😡😡😡
张贴