有情有意 (已結業)

黎红磡通常都系为左睇Show.....今次就特别的为左支持呢一班聋哑人士👏🏻👏🏻👏🏻有情有意，系我第一间认识既社企餐厅...专门聘用聋哑人士，所以入餐厅都要理解到呢个'无言'点餐服务！其实有人只可能弱听而已，绝对听得明白你order架，同其他餐厅无异，不要戴奇异目光是对人对自己既尊重啊！其实我都系手指指落单，有咩需要都可以起个餐纸指出黎问！加左8蚊要多个田园沙津，份量都几多，因为用碟上既！点呢个最主要系因为用左黑醋汁，加上自己个set lunch 系肉类就更需要菜类沟混平衡下！西冷加意粉西冷唔小心叫左4成熟，结果系有少少韧既！不过都证明佢有跟到客人要几熟就几熟既！虽然筋键位有点韧，不过会睇到个西冷个切面会有粉红既血色，肉汁亦能保持！而蕃茄意粉个蕃茄咪会重一点，带真实的蕃茄酸味！最后，又再加上20蚊要个绿茶红豆甜品.....都会重视画碟，令我有点意外....绿茶既味道会较出，相反红豆会淡淡的，最底系蛋糕黎既！有朱古力画图及士多啤梨酱点下，令个口感不单只绿茶红豆味既...