囍點坊點心專門店 (已結業)

今日要同大家介绍嘅呢，就系呢一间位于德辅道西嘅「囍点坊」。有时候真系唔知食乜好，想饮茶又唔想等位，就会去呢一间小舖头。平时就会简单叫啲点心加盅饭，例如有排骨凤爪饭啦、汁烧煎酿茄子、孜然鸡中翼等等，都系我平时一定会叫嘅嘢食。至于今日要介绍嘅呢，就系呢一款「囍点流心哥」，听个名就好有趣，原来个样仲特别，大大个公仔唛头配抢眼嘅萤光橙色，真系令到我好震惊。人生在世乜都要试吓嘅，我鼓起勇气掐开个包，可以睇得见个奶皇的确系流心带一点点蛋皇，应该系自家制。入口略嫌唔够热，个皮有种叮翻热嘅口感。整体味道还可，但要再热一点，应该要新鲜啲！总结，呢度其他嘅点心其实都值得一试，而且茶介只需三蚊。食厌咗大牌酒楼，间中泥一次试下啦！