影片
更多
2021-08-14
46 浏览
收工过嚟长沙湾揾人食饭，有人提议去 One Madison 地下𠮶间「时代冰室」。呢间餐厅嘅分店近年越开越多，可见其受欢迎程度。记得呢个位之前系一间点心鸡煲火锅店，舖头面积颇大，环境光猛又够开扬，座位宽敞阔落，坐得十分舒服。餐牌的选择非常丰富，包罗万有，除了多款王牌小菜外，仲有铁板、煲仔、蒸选、葱油三眼煎蛋饭、肉燥手工面、石锅汤、滑蛋盖饭、豉油西餐等等。大红大紫·咕噜排骨 ($78)：排骨有两种唔同口味，一边用上糖醋汁炮制，而另一边就用上菠萝汁。两款味道都很不错，炸粉不厚，酱汁仅仅包住外层，咬下去仍维持脆口感觉，入口酸甜合度，酸香醒神，各具风味。马友鱼香·茄子鱼块 ($72)：鱼香茄子系平时去大排档必点嘅菜式，今次仲加入咗马友同鱼块，超级丰富。咸鱼粒令鱼块增添咸香，加上软糯嘅茄子；外层酥脆、内里细嫩的鱼柳，食落微辣香口，够晒惹味。每个小菜都会奉送老火汤、丝苗白饭及热饮，今日嘅老火汤系合掌瓜红萝卜猪骨汤，汤料很多，饮落无味精。食完个浓味嘅茄子，拣番客清淡啲嘅石锅汤：极尚·鲍鱼花胶·花菇滑鸡浓汤·石锅汤 ($65)，套餐可以配汤泡饭、乌冬或手工刀削面，+$12 仲可以转鸡全髀。石锅汤热辣辣
收工过嚟长沙湾揾人食饭，有人提议去 One Madison 地下𠮶间「时代冰室」。呢间餐厅嘅分店近年越开越多，可见其受欢迎程度。
记得呢个位之前系一间点心鸡煲火锅店，舖头面积颇大，环境光猛又够开扬，座位宽敞阔落，坐得十分舒服。
餐牌的选择非常丰富，包罗万有，除了多款王牌小菜外，仲有铁板、煲仔、蒸选、葱油三眼煎蛋饭、肉燥手工面、石锅汤、滑蛋盖饭、豉油西餐等等。
大红大紫·咕噜排骨 ($78)：排骨有两种唔同口味，一边用上糖醋汁炮制，而另一边就用上菠萝汁。两款味道都很不错，炸粉不厚，酱汁仅仅包住外层，咬下去仍维持脆口感觉，入口酸甜合度，酸香醒神，各具风味。
马友鱼香·茄子鱼块 ($72)：鱼香茄子系平时去大排档必点嘅菜式，今次仲加入咗马友同鱼块，超级丰富。咸鱼粒令鱼块增添咸香，加上软糯嘅茄子；外层酥脆、内里细嫩的鱼柳，食落微辣香口，够晒惹味。
每个小菜都会奉送老火汤、丝苗白饭及热饮，今日嘅老火汤系合掌瓜红萝卜猪骨汤，汤料很多，饮落无味精。
食完个浓味嘅茄子，拣番客清淡啲嘅石锅汤：极尚·鲍鱼花胶·花菇滑鸡浓汤·石锅汤 ($65)，套餐可以配汤泡饭、乌冬或手工刀削面，+$12 仲可以转鸡全髀。
石锅汤热辣辣上桌，汤底充满花胶鸡的精华，味道好浓郁。鸡髀肉大大件，肉质超滑溜。鲍鱼都好正，弹牙又爽口。花胶滑嘟嘟、滋补又养颜。另外仲有厚肉嘅花菇、娃娃菜、虫草花等，非常足料，配埋滑溜的乌冬一齐食，饱肚又美味。
饮品点咗特盛·综合·水果茶同热奶茶，水果茶跟餐价只需 $13，已经系二人份量，非常大渣。果茶用上芒果汁同橙汁炮制，内有菠萝、椰果、车厘子等，味道清新，好解渴。
甜品点咗金砖·一口西多·伴雪糕 ($36)：西多炸至金黄香脆，咬下软绵又富蛋香，入口不油不腻 ，面包松软，配上旁边甜蜜的红豆粒同冰冻嘅朱古力雪糕一起吃，倍添滋味。
张贴
