霸嗎拉麵 (德己立街)

营业中

休息中

次次经过尖沙咀果间分店都好多人，一直都好想试下呢间日本过江龙「霸吗拉面」，上网见到有优惠券抵好多，买嚟试下！环境中环分店位于兰桂芳，有点意想不到会有拉面店坐落酒吧区，而且店舖面积颇大。餐牌分为红碗豚肉味和黑碗鸡白汤，当然各一尝试。炙烧豚肉味玉拉面 $88汤底有得拣少油，面都可拣粗幼。出名浓厚豚骨汤底加秘制酱油，汤底果真够汤郁重点系不觉咸，叉烧属厚切，肥瘦相间，用低温慢火煮超过十小时，肉嫩又入味，真系一碗不错嘅豚骨拉面，无论汤底、叉烧、油腻度都控制得好好。鸡叉烧鸡白汤拉面 $83鸡叉烧系选用鸡髀肉，口感弹牙，至于鸡白汤同样不能睇小，系再猪背骨、鸡脚等熬煮十小时，汤底呈现奶白色，味浓，但油腻度就比较高啲。羽根烧饺子 $35一定要一大块连住先系日式饺子，焦度正常，皮亦算薄，正常之上水平。啤酒 +$4因为11月份庆祝香港店四周年，每碗拉面+$4就有枝SAPPORO饮，爽！食哂先见到既碗底~~食拉面一定要食浓厚汤底，而油腻度对我而言亦系加减分数位，就算味道浓郁但偏油都影响口感，呢度有正宗日本拉面选择可拣油腻度，已是加分位，汤底又够浓厚，我会再返转头食。