影片
更多
2023-08-20
84 浏览
平时我好钟意食捞面，干捞嘅口感有别于汤面，干捞比人嘅感觉特别浓味，始终浓缩就系精华嘛😆 嚟到位于深水埗，以捞饭面系列为主打嘅「秘捞王」，一于试吓佢哋嘅招牌捞面拌饭套餐😚首先拣面或饭底，然后秘制酱汁及招牌靓𩠌，最后加埋冰凉特饮或消暑沙冰，则大功告成✔️店外有几张枱底可以比你坐底即叫即食，坐喺店外等食期间，听到店内预备食物声音嘅过程都系一种期待同享受🤟老板好快手，点菜后好快就上菜，慰寂直渴望嘅味蕾😉✍️我嘅配搭系粉丝+蒜香酱+昆布猪颈肉+香煎鸡扒+碟豆柠檬冰捞面要好食，全靠调味酱，呢度嘅调味酱全部都系老板自制，确保无落味精，绝非来货可比！作为一个钟意重口味嘅人，果断选择蒜香酱🧅呢度嘅粉丝比较幼身，无我平时唔钟意果种嚼唔喐嘅感觉～用筷子将酱汁及食材混合后，香气立即四散，每一条粉丝都包裹喺浓郁蒜香之中。配菜方面：佢哋嘅肉类全部都系老板自己腌制，而且系独立调味～每款都好有特色。「香煎鸡扒」煎得金黄，切成一件件方便食用。肉质唔干反而好嫩，鸡皮脆脆哋，重点系带南乳味好香口！平时食野见到菜单上有猪颈肉3个字嘅我一般都会叫，因为呢个部位真系好好食了😆 一块好嘅猪颈肉瘦中带肥，呢度嘅「昆布猪颈肉」平衡喺肥瘦之
平时我好钟意食捞面，干捞嘅口感有别于汤面，干捞比人嘅感觉特别浓味，始终浓缩就系精华嘛😆 嚟到位于深水埗，以捞饭面系列为主打嘅「秘捞王」，一于试吓佢哋嘅招牌捞面拌饭套餐😚首先拣面或饭底，然后秘制酱汁及招牌靓𩠌，最后加埋冰凉特饮或消暑沙冰，则大功告成✔️
店外有几张枱底可以比你坐底即叫即食，坐喺店外等食期间，听到店内预备食物声音嘅过程都系一种期待同享受🤟老板好快手，点菜后好快就上菜，慰寂直渴望嘅味蕾😉
✍️我嘅配搭系粉丝+蒜香酱+昆布猪颈肉+香煎鸡扒+碟豆柠檬冰捞面要好食，全靠调味酱，呢度嘅调味酱全部都系老板自制，确保无落味精，绝非来货可比！作为一个钟意重口味嘅人，果断选择蒜香酱🧅呢度嘅粉丝比较幼身，无我平时唔钟意果种嚼唔喐嘅感觉～用筷子将酱汁及食材混合后，香气立即四散，每一条粉丝都包裹喺浓郁蒜香之中。
配菜方面：
佢哋嘅肉类全部都系老板自己腌制，而且系独立调味～每款都好有特色。「香煎鸡扒」煎得金黄，切成一件件方便食用。肉质唔干反而好嫩，鸡皮脆脆哋，重点系带南乳味好香口！平时食野见到菜单上有猪颈肉3个字嘅我一般都会叫，因为呢个部位真系好好食了😆 一块好嘅猪颈肉瘦中带肥，呢度嘅「昆布猪颈肉」平衡喺肥瘦之间，肉实厚实弹牙，同水晶粉好夹！
套餐+ $12可以换特饮一杯，一于叫杯「蝶豆柠檬冰」，紫色嘅柠檬冰有如蝶舞飘飘，同柠檬嘅酸甜交融，饮完成杯简直系透心凉～
另外呢度啲小食都几多选择，有鸡翼、炸猪大肠、炸薯条、炸春卷、炸鱼蛋等等。今次叫咗两款鸡翼试试，首先叫咗「卤水鸡翼」，一见到实物真系有啲吓亲，因为每只鸡翼都饱满都好大只，如图可见，你系可以见到鸡翼排喺碟内差唔多系好拥挤嘅情况，无咩空位净😂 浓香嘅卤水汁永远都系同鸡翼系最佳配搭～鸡翼颜色油亮，而卤水汁做得好出色，唔会过咸，做到肉中有汁，汁中有肉☺️ 即使有啲饱都仲系好想食多几只😆
一直对沙姜情有独钟，沙姜独特嘅风味令我欲摆不能👀 其实本身我麻麻地钟意食姜，所以觉得沙姜呢样酱汁真系好神奇，一听到姜可能大部人将都耍手拧头，但其实佢系有小辛辣同回甘嘅清香，同肉类系绝配，好似呢一款老板特别推介嘅「香煎沙姜鸡翼」，用沙姜酱腌制入味，每只鸡翼都呈现外面焦脆内里嫩滑嘅感觉，相信小朋友都一定钟意食☺️经过不妨买嚟试吓，当加𩠌都得😂
个人感觉秘捞王无论酱料配菜选择都有好多，无论你系爱辣之人，定系追求浓郁口味嘅人，都可以揾到适合自己嘅组合，发掘属于自己嘅最爱「秘捞王」🤤
张贴
