影片
更多
2024-03-04
90 浏览
生活需要仪式感，就好似日式洋食一样，五颜绿色多姿多彩，处处充满惊喜😆今日带朋友嚟呢一间位于启德Airside嘅日式洋食餐厅「Relish Kitchen by ALOT」开餐，餐厅提供融入日式烹调特色或食材嘅和式料理，而另一边系家私精品店，整体以木系设计为主，好有家的感觉，营造出休闲风格✔️餐厅内摆放咗好多艺术摆设，中间仲有个好大嘅月球装置，感觉上好似去咗间艺术馆咁‼️是日餐汤系周打忌廉汤，忌廉汤呈白色，有两粒厚多士悬浮于汤面上，个汤滑溜偏稠身，有浓厚奶油味，仲有少少清甜粟米粒，口感好丰富～蒲烧鳗鱼野菌意大利饭系味道同口感十分惊艳嘅一道菜！将日式鳗鱼加入西式Risotto当中，卖相相当吸引～鳗鱼经过咸甜酱汁反覆浸泡，肉质细致绵密，烧得香口惹味～除咗有大大块厚肉鳗鱼铺于饭面外，仲有菇菌、青瓜等配料，伴紫菜及木鱼丝更滋味。另外通常传统嘅意大利饭系比较硬，呢度嘅意大利饭就调整咗软硬度，饭粒黏身而质感烟韧，唔会太过硬身，酱汁方面十分Creamy，每一粒义大利米都充满浓郁嘅烧汁及忌廉香气，更吸尽所有材料嘅味道精华✨鲜澳洲黑毛安格斯100天谷饲牛肉眼伴炒野菜及山葵幼滑薯蓉谷饲牛追求嘅油脂含量较多，因此
生活需要仪式感，就好似日式洋食一样，五颜绿色多姿多彩，处处充满惊喜😆今日带朋友嚟呢一间位于启德Airside嘅日式洋食餐厅「Relish Kitchen by ALOT」开餐，餐厅提供融入日式烹调特色或食材嘅和式料理，而另一边系家私精品店，整体以木系设计为主，好有家的感觉，营造出休闲风格✔️餐厅内摆放咗好多艺术摆设，中间仲有个好大嘅月球装置，感觉上好似去咗间艺术馆咁‼️
是日餐汤系周打忌廉汤，忌廉汤呈白色，有两粒厚多士悬浮于汤面上，个汤滑溜偏稠身，有浓厚奶油味，仲有少少清甜粟米粒，口感好丰富～
蒲烧鳗鱼野菌意大利饭系味道同口感十分惊艳嘅一道菜！将日式鳗鱼加入西式Risotto当中，卖相相当吸引～鳗鱼经过咸甜酱汁反覆浸泡，肉质细致绵密，烧得香口惹味～除咗有大大块厚肉鳗鱼铺于饭面外，仲有菇菌、青瓜等配料，伴紫菜及木鱼丝更滋味。另外通常传统嘅意大利饭系比较硬，呢度嘅意大利饭就调整咗软硬度，饭粒黏身而质感烟韧，唔会太过硬身，酱汁方面十分Creamy，每一粒义大利米都充满浓郁嘅烧汁及忌廉香气，更吸尽所有材料嘅味道精华✨
鲜澳洲黑毛安格斯100天谷饲牛肉眼伴炒野菜及山葵幼滑薯蓉谷饲牛追求嘅油脂含量较多，因此油花分布均匀，亦系草饲牛所缺少嘅优点，煎牛扒香气浓郁主要系因为有油脂💯 所以谷饲牛先会咁鲜美软嫩～而安格斯牛作为大家公认嘅牛肉届嘅高级别，含丰富大理石花纹，白色脂肪同鲜红色嘅肌肉系佢与众不同嘅天然优势！厨师喺时间嘅拿捏上相当准绳，火喉控制得刚好，表面上有烧焦坑纹，中间带点粉嫩，咬落好juicy，肉质有弹性仲带少少鲜甜味。伴碟嘅山葵薯蓉幼滑如丝，有阵阵奶香又够软绵，加上色彩缤纷嘅炒野菜，好解腻😚
焦糖千层酥配马达加斯加云呢拿吉士面头有一层缤纷新鲜水果，令整件甜品有如迷你花园咁精致抢眼，千层酥皮好薄好酥，显得亲密无间又层层分明（对得住佢嘅名字😂）吉士酱混入新鲜云呢拿籽，顺滑浓郁、甜度适中。酥皮嘅焦香酥脆随住吉士酱滑入喉咙间，一份香与酥结合嘅甜品就此诞生～
一般人都会喺品尝甜品时饮一杯茶，我就拣咗玉露茶，沿著喉咙滑下，茶香令人好舒服，饮完成个身都暖晒！而朋友拣咗Dirty咖啡，随著咖啡同奶慢慢相融，每啖都有不同嘅层次变化！
张贴
