影片
更多
2014-06-17
655 浏览
呢晚和中学同学聚会，选址茶记，知道之后不禁滴汗，因为呢间餐厅系我公司附近，旱几年系西餐厅，水准都ok，久不久都会去食lunch，后来改卖东南亚菜式，味道差咗但都算尚可，不过行远少少就可以平啲食到同款食品，所以都好少去食。两年前左右改做茶记，茶餐厅食品但西餐厅装修，价钱比一般茶餐厅贵一至两成，如果好味道的话都唔计较，但食过一两次之后就无去，因为味道都系茶餐厅水准，咁做咩要畀贵啲呢？见朋友选咗呢间餐厅，曾经谂过提议改地点，但后来谂深一层，意见多多既话会好难为个搞手，小妹曾受此苦，所以唔想咁对人，决定畀多次机会茶记。我哋约7点，但我同另一个朋友好早去到，6点半已经攞位，坐咗半个钟其他人先到齐，待应都无催我哋落单，呢点几好。(不过呢日星期一无咩客，都无坐满)小妹点咗个鸳鸯扒餐，即系鸡扒加猪扒，跟个汤同饮品。我要咗中式汤，今晚系蕃茄薯仔汤，味道都算浓，合格。跟住个铁板唻到，待应提议帮我哋倒咗汁先上枱，都好，唔使搞到成面油烟。但系我个鸡扒好咸，猪扒又太干，虽然个铁板餐只系卖$58，唔可以要求太高，但……系咪可以好食啲？我已经避开食成本价较高既牛扒架啦。讲返转头，个餐跟饭、意粉或薯条，我谂住实食唔晒
我哋约7点，但我同另一个朋友好早去到，6点半已经攞位，坐咗半个钟其他人先到齐，待应都无催我哋落单，呢点几好。(不过呢日星期一无咩客，都无坐满)
小妹点咗个鸳鸯扒餐，即系鸡扒加猪扒，跟个汤同饮品。
我要咗中式汤，今晚系蕃茄薯仔汤，味道都算浓，合格。
跟住个铁板唻到，待应提议帮我哋倒咗汁先上枱，都好，唔使搞到成面油烟。但系我个鸡扒好咸，猪扒又太干，虽然个铁板餐只系卖$58，唔可以要求太高，但……系咪可以好食啲？我已经避开食成本价较高既牛扒架啦。
讲返转头，个餐跟饭、意粉或薯条，我谂住实食唔晒所以要咗薯菜，谂住畀同场既小妹妹，而我见朋友仔既意粉份量都唔算少，上面重有少少香草碎，这就是佢哋跟一般茶餐厅的分别吗？！
饮品方面，冻饮加$3，特饮加$5，我要咗最贵𠮶款特饮-- 凉粉红荳冰。凉粉同红荳既味道都正常，份量亦合埋，有3茶匙红荳左右，不过个奶就淡咗啲，基本上系无奶味。如果要再认真啲同佢计，红荳应该要煲到起沙，冰要用碎冰而唔系冰粒，但……今时今日只有少量传统冰室才会坚持这种做法吧！
张贴