川吧

营业中

休息中

天气转凉，食个翻D辣嘢暖下胃先，太子依间「川吧」主打唔同川菜，不论小炒定鸡煲都好够镬气，调味上都几正宗，真系啱晒无辣不欢嘅大家，小店无收加一服务费，大家可以多多支持下！半只麻辣鸡煲（单点$188），鸡件肉质嫩滑，鸡味浓香，容易挂汁，辣度3分，豆卜食落好入味，配料包括有莲藕、洋葱、唐芹、芫荽、蒜头。辣子田鸡（单点$148），采用田鸡脾制作，肉质饱满，食落啖啖肉，味道香辣，配料包括有辣椒、青椒、木耳、洋葱、唐芹、蒜头，食落好惹味。凉拌皮蛋（单点$45），采用黄金皮蛋制作，皮蛋蛋白部分口感Q弹、蛋黄部分口感绵密，略嫌蛋黄食落欠缺溏心口感，配以香蒜、辣椒油、芝麻食用，食落好惹味。津路乌龙茶（单点$15），茶味浓香。椰汁（单点$12），口感幼滑，味道清甜。