養心殿台式養生鍋 (已搬遷) 新店位置

M佬未识我之前都好怕食辣，但同咗我一齐之后，佢嘅嗜辣程度大大提升，可能因为我够晒hot啦。今日我又同M佬去度铜锣湾养心殿台式养生锅，呢度嘅麻辣锅，除咗够辣够麻，仲好香添。麻辣锅麻辣锅放入唔同药材同香料，所以呢个麻辣锅，除咗麻同辣之外，仲辣得好香，所以话识食辣嘅，唔系得个辣字，仲要有埋个香字！锅入面仲有细嫩爽滑嘅鸭血同吸晒汤嘅冻豆腐。而鸭血仲可以免费添加一份，够晒满足！黑松露虾丸 + 梅菜猪肉丸今日叫咗两款自家制嘅手打丸，分别系超香黑松露味嘅虾丸，入面仲有好多鲜虾粒，好弹牙；另外嘅梅菜猪肉丸系另一推介，梅菜令呢粒猪肉丸更有层次，同样系爽口弹牙。饺子拼盘所有饺子都系自家制，皮薄多馅，总共有六款饺子，包括极品水饺、鲜虾云吞、韭菜饺、麻辣牛肉饺、鱼皮饺同水莲饺！A姐至爱鱼皮饺，鱼味香浓，爽口弹牙；我就最钟意韭菜饺，韭菜新鲜爽口，肉汁丰富！御选梅花猪猪肉味好香浓，肥瘦度适中，肉质鲜嫩。莴笋食麻辣锅就梗系要食莴笋，煮到佢林晒，吸晒啲麻辣味，真系好过瘾！