麻辣娘子 (新都城中心) (已結業)

今次嚟到新都城食麻辣娘子，每次经过都会畀佢个门口张poster个干锅同酸菜鱼吸引，今次就约埋朋友试下啦。睇完menu就用电话落单，今次我哋就拣咗个毛血旺，贪佢咩都有啲，另外当然叫咗一个干锅啦😄，冇叫饭食所以再加多个咕噜肉，同埋两杯台式饮品。毛血旺 $148食川菜又点少得毛血旺呢， 毛血旺味道麻辣鲜香，用料丰富，包括毛肚、牛柏叶、芋丝、午餐肉，当然唔少得鸭血啦，仲有宽粉同豆芽做底。 本身想叫个饭嘅，但系已经叫咗三个𩠌，同埋又有寛分其实都好够饱。娘子自选干锅（锅底38）干锅配菜有二十多款，要选四款以上配菜 ，今次就简左安格斯牛肉$68、肥肠$38、鱿鱼须$48、莲藕片$25，可自选辣度，仲可以加麻度。 安格斯牛肉大大片，牛味香浓， 肥肠劲度十足，又香又辣食得过瘾。鲜菠萝咕噜黑豚肉 $88非常开胃嘅一道菜，酸酸甜甜，黑豚肉肉质嫩滑， 啖啖肉唔使吐骨，啱晒我呢啲懒人😝， 加埋新鲜菠萝，真系够晒开胃消滞。食辣嘢梗系要叫返杯台式饮品啦，叫左2杯黑糖珍珠炭烧乌龙奶茶，乌龙奶茶味道醇厚，珍珠口感Q软，饮之前摇一摇，唔会觉得好甜。