Tipsy burger (已結業)

今次真系唔写食评唔得，因为个天妇罗素菜汉堡真系超超超级好食，仲要大件夹抵食。呢间汉堡店之前开张𠮶时，我已经嚟试过一次，因为我本身唔饮酒，所以上次拣咗无酒精嘅和牛汉堡，新鲜热辣辣又足料，块和牛大大块又多汁，都好正好好味。今次再嚟发现加入咗一款新汉堡，就系天妇罗汉堡，呢款汉堡都系无酒精嘅，所以我就决定试下。一试之下真系超惊喜，真系好好味！汉堡入面有好多材料，有茄子、金针菇、啡菇天妇罗，外脆内多汁，配埋紫菜同埋微甜嘅芝麻酱，真系超正呀！小食方面，都系一贯出色，同朋友一齐叫咗忌廉芝士蘑菇酿鸡翼、芝士酱薯条同蕃薯条，全部都好味。大推酿鸡翼，惹味之余内馅又creamy，食唔停口呀！另外嘅薯条同蕃薯条都几香脆好味，不过份量对我嚟讲真系太多。整体嚟讲，真心值得推荐，汉堡店嚟讲真系有水准得嚟又抵食。