7-Eleven Daily Cafe

营业中

休息中

系无咩钱，又赶时间既时候，咁7仔常餐都系一个唔错既选择既~之前听讲7仔既咖啡都唔错，所以常餐我跟左咖啡，的确又几好，睇翻个价钱，即刻觉得都ok好饮xd讲翻先，常餐就有一条司华力肠，捞面，加星星饼。星星饼系类似鱼腐咁样，但又好似白滑过普通鱼腐，星形，少少咸味咁样，简简单单几好味。捞面我叫左要辣味，都真系几辣既。捞面通常都系求求其其捞完就算，偏硬。D酱料会摆系度事前预备，所以摆左好耐，d炸蒜都已经唔脆。同埋pack比你果阵唔会帮你捞埋，等自己再捞时候已经有一部分面吸收左d酱料，所以有d地方太咸，有d地方又无味。司华力肠都煮完摆系度好耐，干针针，唉，如果唔系无钱/赶时间，都唔会叫呢d劣食。