福龍門海鮮火鍋酒家

营业中

休息中

一个价（$258，另加一服务费），只收现金/支付宝。先上鸡煲，拣咗麻辣大肠鸡煲（可拣不要大肠）。鸡煲啲鸡系成只斩件，有不同部位，并唔系鸡脾肉，我最like就系呢类。要咗少麻少辣，味道不错。之后打边炉，拣咗花胶浓鸡汤（冇要到只鸡脾）。先饮碗鸡汤，味道几浓，好饮。同一时间，店员会拎火锅料上枱。花胶环球海鲜盘：鲍鱼（新鲜，仲郁紧）、贵妃蚌（大只，甜）、花胶（厚身）、虾（正常）、带子（其实系沙插，好韧）、蚬（有少少沙）。安格斯牛小排：质素唔错，唔过肥。西班牙白豚肉：冇猪臭味，亦唔嚡，还可以。生㓥龙趸片并爽脆鳝片：龙趸厚肉有鱼味、鳝片弹牙但冇咩味（亦好在冇泥味）。手打虾丸：一般，有一粒有怪味。韮菜饺并白菜饺：韮菜饺好食、白菜饺普通。即炸脆响铃：真系即炸，上枱时仲热辣辣，入口即化，浸汤/直接食都好好味。田园时蔬：正常。健康素什菌：正常（金菇偏韧）。之后追加咗牛、韮菜饺、响铃、炸鱼皮（是脆的）、炸芋头（够粉）。最后坐咗成4个几钟，吹够水，食到饱，饮到够，大满足。