影片
更多
2021-11-15
945 浏览
如果你好𩟔得既话，咁呢间铺应该好岩你食，事关呢间铺既火锅放题系无时限㗎！餐厅距离旺角A2出口只有一分钟既路程，十分之方便。星期日夜晚既人流都唔算太多，而且环境都几干净同宽阔，好适合一大班朋友黎聚旧。一坐低店员就会问鸡煲既辣度，有得拣唔辣、bb辣、小辣、中辣同大辣。今次我就拣左小辣，本身唔系好食得辣既我都有啲担心会好辣，但食落都唔系好辣，系有少少麻，而且鸡肉都几嫩滑同入味。店员仲会俾埋一碟即炸既响铃，将响铃沾鸡煲既酱食，超好味。食完鸡煲之后就可以食火锅，火锅汤底有好多选择，包括浓汤花胶鸡、药膳醉鸡、胡椒咸菜猪肚等等。我就拣左药膳醉鸡汤，汤底清清地，几唔错。火锅本身包左8样配料(龙趸片拼鳝片、牛肩胛、豚肉片、手打虾丸、招牌饺、响铃、什菌同埋时菜)，另外佢会送一盘鲍鱼花胶海鲜盘。除左鲍鱼同花胶之外，佢仲会随机俾4款海鲜你(海虾、元贝、蛏子、花甲、黄蚬、刀贝、番薯蚬、生蚝)。海鲜都好新鲜同鲜甜，只鲍鱼仲识郁㗎！唯一唔好既系每人每款海鲜只系得一只(除左蚬)，如果想再食既话，要加钱先有得食。除左海鲜盘之外，其他既火锅配料都可以任食，例如牛肩胛、龙趸肉、白鳝片、水鱿鱼、鱼皮饺、乌冬等等。食物选择唔太
餐厅距离旺角A2出口只有一分钟既路程，十分之方便。星期日夜晚既人流都唔算太多，而且环境都几干净同宽阔，好适合一大班朋友黎聚旧。
一坐低店员就会问鸡煲既辣度，有得拣唔辣、bb辣、小辣、中辣同大辣。今次我就拣左小辣，本身唔系好食得辣既我都有啲担心会好辣，但食落都唔系好辣，系有少少麻，而且鸡肉都几嫩滑同入味。店员仲会俾埋一碟即炸既响铃，将响铃沾鸡煲既酱食，超好味。
香辣滑鸡煲
$238
22 浏览
0 赞好
0 留言
食完鸡煲之后就可以食火锅，火锅汤底有好多选择，包括浓汤花胶鸡、药膳醉鸡、胡椒咸菜猪肚等等。我就拣左药膳醉鸡汤，汤底清清地，几唔错。火锅本身包左8样配料(龙趸片拼鳝片、牛肩胛、豚肉片、手打虾丸、招牌饺、响铃、什菌同埋时菜)，另外佢会送一盘鲍鱼花胶海鲜盘。除左鲍鱼同花胶之外，佢仲会随机俾4款海鲜你(海虾、元贝、蛏子、花甲、黄蚬、刀贝、番薯蚬、生蚝)。海鲜都好新鲜同鲜甜，只鲍鱼仲识郁㗎！唯一唔好既系每人每款海鲜只系得一只(除左蚬)，如果想再食既话，要加钱先有得食。
龙趸片拼鳝片、牛肩胛
31 浏览
0 赞好
0 留言
鲍鱼花胶海鲜盘
26 浏览
0 赞好
0 留言
除左海鲜盘之外，其他既火锅配料都可以任食，例如牛肩胛、龙趸肉、白鳝片、水鱿鱼、鱼皮饺、乌冬等等。食物选择唔太多，不过食物质素都叫OK，同埋够食。
饮品方面，除左有基本既汽水之外，仲有自家制罗汉果菊花茶。我最钟意饮既就系得米冻顶乌龙茶。
甜品方面就净系得雪糕，不过都有唔同味道拣，包括云呢拿、朱古力、芒果、海盐、乳酪同咖啡。
34 浏览
0 赞好
0 留言
价钱: 平日$238一位，另收加一，星期五六日及价期前夕每位加$10
整体而言，我觉得呢间鸡煲火锅店既食物质素中规中矩，系胜在有新鲜既鲍鱼海鲜食，但连最基本平时打边炉可以任食既虾都唔系任食嘅，所以个人认为都唔系话好抵食。
值得称赞既系员工服务态度好好，冇漏单既情况，上菜同收碟都快。另外，即使枱面已经摆左几碟食物，都仲系好阔落，坐得好舒服。餐枱上唔单止有纸巾提供，仲有一个黑色兜用黎放垃圾，令到餐枱干净企理。
张贴
