熊本牛鍋 (世宙商場)

营业中

休息中

今晚想打边炉又唔想自己整，去咗元朗世宙商场下面间熊本牛锅𠮶度食。呢度系冇限时，唔使咁赶。火锅汤底有好多选择，我哋拣咗麻辣鸡煲。食完个鸡煲就加啲汤上去开始打边炉。除咗肥牛同日本豚肉外，其他都系自助，品种都好多，有成三、四十款可供选择。包括鸡件、鱼片、墨鱼、鸭血、猪皮、各类型嘅鱼滑、饺子、丸类、同埋几款新鲜蔬菜。仲有韩国面、乌冬等俾你拣。饮品方面，啤酒都有三、四款，日本啤、泰国啤同黑啤都有。非酒精类饮品都有成十款过外。另外仲有佢哋一啲自家制嘅凉茶，今次有夏枯草同埋冰糖红枣雪耳，都几特别。仲有几款热食同埋雪糕，一定可以满足唔同类型客人嘅需要。