味火鍋 (華僑商業中心)

餐厅位于尖沙嘴，以家庭式运作，供应半自助任食任饮无限时港式火锅，有四部曲menu，从头盘、汤底、皇牌拼盘到精选料理，另外like埋社交平台仲送雪糕添！绝对系gathering嘅好去处之一😋坐低后先上四款凉拌小食，全部都好入味而且够冰凉，个人最喜欢呢度嘅青瓜，酸甜开胃，忍唔住encore咗好几次🤣 鸡软骨反而几有惊喜，细细粒，外脆内有咬口，炸粉够薄，越食越上瘾，水准绝对超越出面嘅小食店😬头盘有芝士焗波士顿龙虾、威灵顿三文鱼柳、四川麻辣鸡煲同老坛酸菜鱼四选一，龙虾半只上，卖相一流，肉质弹牙，芝士味香浓，下次可以试埋其他款式🦞 汤底要咗蕃茄薯仔同特浓沙嗲双拼，旁边有汤唔够水嘅可以自己再加～ 海鲜拼盘包括海虾、鲍鱼、手打墨鱼丸、虾丸、蟹棒、鱼类等，鲍鱼上枱时仲郁郁吓，果然够新鲜😆 牛肉拼盘有牛小排、牛肩胛、封门柳同牛板键，排得好整齐，牛味浓郁，食落唔嚡口，唔够可以加肥牛同猪肉～ 蔬菜拼盘五颜六色，鲜甜美味，感觉唔错👍🏻 其他配料可以用QR code落单，大推炸鱼皮同响铃，保持到脆卜卜嘅口感，够大块得嚟又唔会散开晒，好难得😅 最后以雪糕作结！