肉浦團火鍋放題

营业中

休息中

寻晚去咗旺角食肉浦团火锅放题，地点真系好方便，唔难揾。一入去就见到啲地道剧照漫画，好钟意啊！好有香港特色，打卡一流！我哋两个人坐卡位，超舒服！呢度最正就系无限时放题，我哋拣咗C餐任食。先讲下食物，有个饮品柜俾你自取，成十几款可以拣，仲有啤酒添🍻，我好钟意！食材柜就有好多普通火锅配料，全部够新鲜，选择都多，自助调味区都几好👍🏻，仲有我最爱嘅鱼皮，真系好脆口，正！熟食有凤爪，超好食👍🏻，落单系自助扫码，方便到痴线！  我哋点咗秘制麻辣汤底，真系好香又够辣！食到我哋出哂汗，啱晒钟意挑战辣味嘅人！汤底方面，我哋拣咗蕃茄汤底，汤底超浓，完全唔使再加蕃茄，已经够晒味。最正系，食到最后加咗汤都唔会淡，依然保持浓郁。  套餐入面嘅肉质方面真系冇得输，有封门柳同M5和牛，质素非常高。我哋仲加点咗A4和牛眼肉同胸肉，真系食到升级，好满足。海鲜𠮶边，嗌咗虾，浸落去浓郁嘅蕃茄汤之后，鲜味更加突出。最后有甜品，雪糕仲可以拣Häagen-Dazs，真系正！无限时放题真系正，可以慢慢食慢慢倾，啱哂同朋友黎食！