味火鍋 (華僑商業中心)

我妈想食咗好耐嘅味火锅！之前尖沙咀分店早10日都book唔到，今次嚟咗旺角嘅新分店，好阔落好大~场内通风好好，唔会好焗，啲姐姐个个劲好服务，好似食海底捞咁😂饮品选择好多，最特别系有支装无糖可乐，好饮好多😎火锅分为4部曲，首先拣咗头盘先，我地都拣咗芝士焗龙虾~本身都冇乜带期望，因为出面啲波龙都好一般，又干又鞋~不过呢个又唔会㖞！弹牙！仲要劲多膏，一啲都唔会太老同肉质唔会梅🦞头盘仲送咗4小碟小前菜，炸鸡软骨好脆😝之后就系拣汤底，竟然双拼唔洗额外收费，啱晒我呢啲贪心嘅人🤣拣咗豆乳海鲜同大排档猪骨锅，入面有两只好大嘅虾同好多猪骨，足料清甜，食完唔会好口干，应该冇乜落味精🤣第三部曲嚟到皇牌火锅拼盘，分别有海鲜拼盘、牛拼盘同蔬果。海鲜真系皇牌，非常新鲜，因为只系一次性咁上，比任食嘅质素高好多。虾肉劲饱满弹牙，蚬肉鲜甜大只~仲要赞下啲手打丸，好好食~ 牛拼盘啲牛都好高质，厚薄肥瘦适中，有牛味 ~ 可惜都系一次性冇得encore最后食到呢度都饱饱地，仲有得再嗌任食嘅火锅料。选择唔算好多，但牛同猪都唔差，唔会好肥好薄。蔬菜类都好多选择，自家制嘅饺都皮薄馅靓，唯一要挑剔系2个人食，点一份会嚟4粒/4旧🥲份