漁匠料理 (已結業)

Item: 漁匠料理
Rating: 4
Author: 奥志雷

Sakana Takumi

189 食记

味道

环境

服务

卫生

抵食

2538

上水

$101-200

日本菜寿司/刺身

153

奥志雷

等级4

2.1K

继续独落去，唔好比佢停，无边无际日日月月年年 ﹗早场！早饮早醉早瞓觉，lunch time 叫支 sake 降降火先。想试𠮶支又无晒，是但咩都好啦。嬲嬲猪美食治疗！满怀憧景既台南之旅被参粉教完全催毁，我真系要带眼识人 ﹗

朋友仔话佢公司支助旅行好抵玩要请埋我，点知系参粉教传销技两 ﹗我即刻自费买机票返香港啦，仲想我留多 4 日，您都痴筋架 ﹗无啦啦唔见七千蚊，一肚气 ﹗我要食尽去，食好野减压 ﹗

单挑渔匠，第一次帮衬，食个 lunch 先！渔匠行高档路线㖞，中上既价钱，仲有好多高价食材添，比大埔旭川更贵。估唔到舖仔细细可以提供咁多款料理，直头系居食屋阵容，寿司、刺生、炸物、烧物、锅物、拉面、定食、甜品、啤酒、清酒、等等。侍应全部为婶婶们，服务大致满意。环境不过不失，空气流通，不过台櫈都系细细张，无卡位提供。

蚬肉面豉汤，即冲型，跟我系 759 买既同出一彻。蚬肉无味且韧，$15 合理，起码个汤热辣辣，味道满意既。三文鱼腩刺生，高质无得挑剔，鱼脂丰富，纯天然鲜鱼甜香，滑滑溜溜无得顶 ﹗高档刺生点解唔用即磨鲜山葵蓉呢？用粉开既货色削削地㖞，欠缺无清香带甜鲜味。

海胆军舰，鲜甜滑留 juicy 海胆没半点腥味，高质而弹弹，跟爽甜青瓜及香脆紫菜味道非常相衬添！寿司饭难得令我满意，饭粒饱满不湿不烂。原来依度寿司系继件叫架，仲好！可以试多几款。

软壳蟹天妇罗手卷，真天妇罗黎㖞，唔系普通干硬炸蟹扮加呢！即炸热辣辣，外脆内软，好鬼松化，蟹肉十分鲜味而突出，紫菜依然脆卜卜。炸浆可以再薄一点，炸到云一样就最 perfect 喇。蟹可以卷低一点，依家只有 3 份 1 食到蟹，可以做得更贴心。难得饭粒做得如此高质数，非常多寿司店既饭淡而无味、唔系太硬就太湿太烂、醋太多太呛或带涩。依度饭粒饱满干爽甜酸度刚好又清香，赞！

烧鳗鱼，依次真系无叫错您喇！我最憎硬干、死实、无鲜味或弥漫著翻热味道既烧鳗鱼 ﹗跟碳炉一齐上，睇住油脂慢慢加热而跳动，吱吱作响，异常兴奋。渔匠系我食过最好味，肉嫩肥美又多汁，皮脆肉滑又热到出烟，必食！

珍宝活带子刺生，非凡脱俗既甜美，即开即食那有得输 ﹗滑溜溜，正到震！叉烧猪骨汤拉面走葱，熏蛋味特浓，糖心蛋黄甘甜无比，好好食。叉烧够腍而肥美，不干不硬又够干棉。即食拉面麻麻地，算罢啦。猪骨汤即冲型，还可以。

石鲷活鱼生，只系卖剩石鲷，都要照食架，阴功。鱼味淡而质地偏腍，清清淡淡沾上 wasabi 都食得出鲜味，满意。

大拖罗刺生，粉红色可遇不可求，鱼油鱼脂超级润滑而澎湃，甜美可口，食到唔停口。超甜超滑入口溶化，肥美致极，鱼脂澎湃而细腻，抵您咁贵 $230 大元。可能我太早帮衬，依家先五点几有排都未到晚市，所以未摊得够、未解冻得透彻。睇个样都知，温度太过冰冻，仲有少少霜呢，唯有留一块摊多阵再品尝。良久，见块大拖罗已完全解冻，放上舌尖随即溶入味蕾之中，非凡浓缩鱼脂香甜味道，比刚才更浓加浓厚，正到无沦 ﹗

油甘鱼腩刺生，极品甜甜甜，红色部份最甜，软棉滑滑，好好味呀 ﹗活赤贝刺生，黏黏滑滑又带爽，海鲜鲜甜到不得了。网烧牛扒，甜甜牛扒中规中矩，质感松软有咬口，都几好。

海鲜冷拉面，我问可否转稻庭乌冬，居唔唔可以啰 ﹗雪藏帆立贝及大虾都完全无味道，只得雪水味道，胡麻蟹柳加 wasabi 好正，捞上即食拉面无感觉，整碗捞面毫无生气，唔难食，倒晒落肚算。