影片
更多
2016-02-08
1405 浏览
上星期和女朋友二人去咗呢间三木食放题。事前上网做过吓功课, 见佢官网upload哂点菜纸, 有几多嘢食, 所以拣咗呢度。开胃菜先整个刺身先。卖相唔错, 刺身堆叠有心机, 有冰粒伴碟保鲜, 质感好好。我哋点咗三文鱼、油甘鱼、剑鱼腩、赤贝、甜虾之类, 总体嚟讲都几鲜甜, 肉质算新鲜。不过上菜速度唔算好快, 甜虾甚至被遗忘。好彩追侍应单时态度几好, 马上跟进。虾仲几大只鲜甜添。跟著嚟军舰。呢度军舰觉得做得唔错。大小恰到好处。饭份量唔好, 食落感觉微暖。饭同料比例约一比一, 呢种size我最like。紫菜值得一赞, 非常干爽, 咬落去仲脆卜卜, 九十分以上。其中海胆同蟹膏呢两款最正。再嚟就系火炙寿司。剑鱼腩及黑松露帆立贝都好惹味。剑鱼腩我哋仲叫咗有火炙同冇火炙比较。果然系有火炙会好食啲。 但个酱汁就有啲太甜, 喧宾夺主。蕃茄汤肥牛乌东，汤底清甜，肥牛够份量, 乌东好弹牙。 有埋个炉畀你整热佢, 过瘾!肉食叫了蒜香一口牛柳粒, 牛仔骨, 金菇肥牛同埋牛舌，我很推介牛柳粒同牛舌，因实在整得好香好松化。天妇罗最好嘅系虾, 粉厚度啱啱好, 肉质一个字; 嫩!有样炸物我觉得好新奇又几好食, 就系自家制墨
开胃菜先整个刺身先。卖相唔错, 刺身堆叠有心机, 有冰粒伴碟保鲜, 质感好好。我哋点咗三文鱼、油甘鱼、剑鱼腩、赤贝、甜虾之类, 总体嚟讲都几鲜甜, 肉质算新鲜。不过上菜速度唔算好快, 甜虾甚至被遗忘。好彩追侍应单时态度几好, 马上跟进。虾仲几大只鲜甜添。
跟著嚟军舰。呢度军舰觉得做得唔错。大小恰到好处。饭份量唔好, 食落感觉微暖。饭同料比例约一比一, 呢种size我最like。紫菜值得一赞, 非常干爽, 咬落去仲脆卜卜, 九十分以上。其中海胆同蟹膏呢两款最正。
再嚟就系火炙寿司。剑鱼腩及黑松露帆立贝都好惹味。剑鱼腩我哋仲叫咗有火炙同冇火炙比较。果然系有火炙会好食啲。 但个酱汁就有啲太甜, 喧宾夺主。
蕃茄汤肥牛乌东，汤底清甜，肥牛够份量, 乌东好弹牙。 有埋个炉畀你整热佢, 过瘾!
肉食叫了蒜香一口牛柳粒, 牛仔骨, 金菇肥牛同埋牛舌，我很推介牛柳粒同牛舌，因实在整得好香好松化。
天妇罗最好嘅系虾, 粉厚度啱啱好, 肉质一个字; 嫩!
有样炸物我觉得好新奇又几好食, 就系自家制墨鱼饼。起初睇以为系番薯饼。然而, 咬落去先个原来内里系满满一粒粒墨鱼仔, 实在过瘾。另外一种系鸡翼饺子, 固名思义将鸡翼同饺子二合为一。无骨鸡翼搭饺子, 配搭天衣无缝, 一咬落去肉汁会爆出嚟。
甜品方面都是迷你版, 其中奶冻真材实料, 好有奶味。 袖子味雪糕亦值得一试, 袖子味浓而且真有袖子肉。
饮料方面冇咩特别。 以为冇酒饮, 点知原来只系点菜纸冇, 要啤酒可以问待应攞。
总体嚟讲, 食物质素算好食同新鲜, 选择几好, 是任食日本菜嘅好去处。
张贴
